Karnataka Election 2023 : भारतीय जनता पक्षानं कर्नाटक विधानसभा निवडणुकीसाठी उमेदवारांची दुसरी यादी जाहीर केली आहे. दुसऱ्या यादीत 23 उमेदवारांच्या नावांचा समावेश आहे.
यापूर्वी 189 उमेदवारांची यादी जाहीर करण्यात आली होती. आता फक्त 12 उमेदवारांची घोषणा होणं बाकी आहे. आपल्या दुसऱ्या यादीतही भाजपनं पक्षाचे विद्यमान आमदार आणि राज्य सरकारमधील मंत्री अंगारा एस (Angara S) यांना तिकीट दिलेलं नाही.
तिकीट न दिल्यामुळं नाराज झालेले अंगारा म्हणाले, माझ्या प्रामाणिकपणाचा मला फटका बसला आहे. आता मी राजकारणात राहणार नाही. निवडणूक प्रचारातही असणार नाही. पक्ष आता आपल्या नवीन उमेदवारांची काळजी घेऊ शकतो, असं सांगत त्यांनी राजकारणातून संन्यास घेण्याचे संकेत दिले आहेत.
भाजपनं अवघ्या 24 तासांत उमेदवारांची दुसरी यादी जाहीर केली. यात अनेक विद्यमान आमदारांकडं दुर्लक्ष करण्यात आलं आहे. पक्षानं 7 विद्यमान आमदारांना तिकीट नाकारलं असून यात चन्नागिरीचे आमदार मदल वीरुपक्ष यांचा समावेश आहे. ते सध्या भ्रष्टाचाराच्या आरोपाखाली तुरुंगात आहेत.
याशिवाय, भाजपनं खासदार कुमारस्वामी यांनाही तिकीट नाकारलं आहे. सीएम निंबण्णावर, एसए रवींद्रनाथ, नेहरू ओलेकर, एन लिंगाणा, सुकुमार शेट्टी या आमदारांनाही पक्षानं तिकीट दिलेलं नाही. यासह पक्षानं एकूण 18 विद्यमान आमदारांना तिकीट नाकारलं आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
