राज्य सरकार सत्तेवर आल्यानंतर महिन्याच्या आत सर्व हमी योजनांची अंमलबजावणी करत आहे, ही वस्तुस्थिती आहे.
बंगळूर : मुख्यमंत्री सिद्धरामय्या (CM Siddaramaiah) रविवारी (ता. ११) बस ‘कंडक्टर’ची भूमिका पार पाडतील आणि ‘शक्ती’ योजनेचा प्रारंभ करतील. महिलांना सरकारी बसमध्ये (Government Bus) मोफत प्रवास योजना सुरू होणार आहे. विधानसभा निवडणुकीपूर्वी काँग्रेसने (Congress) दिलेल्या पाच हमीपैकी ही योजना आहे.
सूत्रांनी दिलेल्या माहितीनुसार, मुख्यमंत्री बीएमटीसी बसमधून प्रवास करतील आणि राज्याच्या राजधानीत प्रकल्पाच्या प्रारंभासाठी महिला प्रवाशांना मोफत तिकीट देतील. तर मंत्री आणि आमदार आपापल्या जिल्ह्यांमध्ये आणि मतदारसंघातील ही योजना (Shakti Yojana) प्रारंभ करतील.
मुख्यमंत्र्यांच्या कार्यालयातील निवेदनात म्हटले आहे की, सिद्धरामय्या यांनी आमदारांसह जिल्हा पालकमंत्र्यांना ‘शक्ती’ योजनेचे उद्‍घाटन करण्याचे आदेश बजावतील. सर्व जात, धर्म आणि वर्गाच्या पलीकडे जाऊन ही योजना सर्व पात्र लाभार्थ्यांपर्यंत पोहोचेल, याची खात्री करण्याचे निर्देश दिले आहेत.
दरवाढ आणि महागाईमुळे अडचणीत सापडलेल्या महिलांना ‘शक्ती’मुळे दिलासा मिळाला आहे. राज्य सरकार सत्तेवर आल्यानंतर महिन्याच्या आत सर्व हमी योजनांची अंमलबजावणी करत आहे, ही वस्तुस्थिती असूनही त्यासाठी मोठ्या प्रमाणावर निधी जमा करणे आवश्यक आहे, असेही ते म्हणाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
