प्रवीण नेत्तारू खून प्रकरणाचा तपास राष्ट्रीय तपास यंत्रणा (National Investigation Agency) करत असून आतापर्यंत या हत्याकांडात अनेक खळबळजनक खुलासे समोर आले आहेत.
Nettaru Murder Case : एनआयएनं (NIA) कर्नाटकातील प्रवीण नेत्तारू हत्याकांडात (Karnataka Praveen Nettaru Murder Case) आरोपपत्र दाखल केलं असून 20 आरोपींना अटक केलीये.
विशेष म्हणजे, 26 जुलै 2022 रोजी भाजप युवा मोर्चाचा कार्यकर्ता प्रवीण नेत्तारू यांची दक्षिण कन्नड येथील बेल्लारे इथं त्यांच्याच दुकानासमोर निर्घृण हत्या करण्यात आली होती. त्यानंतर काही दुचाकीस्वारांनी प्रवीण नेत्तारू यांच्यावर चाकूनं हल्ला केला.
प्रवीण नेत्तारू खून प्रकरणाचा तपास राष्ट्रीय तपास यंत्रणा (National Investigation Agency) करत असून आतापर्यंत या हत्याकांडात अनेक खळबळजनक खुलासे समोर आले आहेत. एनआयएच्या म्हणण्यानुसार, प्रवीण नेत्तारू हत्या प्रकरणामागं पॉप्युलर फ्रंट ऑफ इंडियाचा (Popular Front of India PFI) हात होता. या प्रकरणातील फरार आरोपींवर तपास यंत्रणेनं बक्षीसही जाहीर केलं आहे. पीएफआय पुढील 24 वर्षे म्हणजे 2047 पर्यंत भारताला इस्लामिक देश (Islamic Countries) बनवण्याचा कट रचत असल्याचं तपासात समोर आलंय.
एनआयएनं आरोपपत्रात म्हटलंय की, 'पीएफआय दहशत पसरवणं, जातीय द्वेष आणि अशांतता निर्माण करण्याच्या अजेंडाचा एक भाग म्हणून, भारताला 2047 पर्यंत इस्लामिक देश बनवण्याचा कट रचत आहे. त्यांनी किलर स्क्वॉड नावाच्या गुप्त पथकांची स्थापना केली आहे.'
एनआयएनं नुकतेच प्रवीण नेत्तारू खून प्रकरणातील दोन आरोपींवर प्रत्येकी 5 लाख रुपयांचं बक्षीस जाहीर केलं आहे. दोन आरोपींमध्ये मोहम्मद शरीफ (53) आणि मसूद (40) यांचा समावेश आहे. हे दोघंही बंदी घातलेल्या पॉप्युलर फ्रंट ऑफ इंडिया (PFI) या संघटनेचे सदस्य आहेत. नोव्हेंबर 2022 मध्ये एनआयएनं 4 संशयितांना अटक केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.