Dogs in Public Transport : बसमध्ये कुत्र्यासाठी आता ‘हाफ तिकीट’

बंगळूर : कर्नाटक राज्य परिवहन महामंडळाच्या (केएसआरटीसी) बसेसमध्ये सामान वाहून नेण्याच्या नियमात बदल करण्याचा निर्णय घेतला आहे. त्यानुसार बसमधून कुत्रे घेऊन जाण्यासाठी आता पैसे द्यावे लागणार आहेत. कुत्रे आणि पिल्लांचे हाफ तिकीट फाडावे लागणार आहे.

कुत्र्यांसाठी आकारण्यात येणारे तिकीट दर कमी करावेत, असा आग्रह प्रवाशांकडून धरला जात होता. तरीही त्याला दाद न देता परिवहन विभागाने हा निर्णय घेतला आहे. सामान्य, ‘हाय-स्पीड’, उपनगरीय बसेसमध्ये कुत्र्यांची वाहतूक करण्यास परवानगी आहे. तसेच बसमधून प्रत्येक प्रवाशाला ३० किलो सामान नेण्याची परवानगी आहे. ३० किलोपेक्षा जास्त सामान वाहून नेण्यासाठी अतिरिक्त भाडे आकारण्याचे आदेशही दिले आहेत.