कोची : कोविड-19 लसीकरण प्रमाणपत्रावरून पंतप्रधान नरेंद्र मोदी यांचा फोटो काढून टाकण्याच्या याचिकेवर (Nagendra mode picture on vaccine certificate) केरळ उच्च न्यायालयाने मंगळवारी केंद्र आणि राज्य सरकारकडे उत्तर मागितले. न्यायमूर्ती एन नागरेश यांनी एका ज्येष्ठ नागरिकाने केलेल्या याचिकेवर केंद्र आणि केरळ सरकारला नोटीस बजावली असून त्यांना त्यांची बाजू मांडण्यास सांगितले आहे.
कोरोना लसीकरण प्रमाणपत्रातील पंतप्रधान नरेंद्र मोदी यांचा फोटो काढून टाकण्याची विनंती करणाऱ्या याचिकेवर केरळ उच्च न्यायालयाने कठोर भूमिका घेतली आहे. न्यायालयाने या प्रकरणी केंद्र आणि राज्य सरकारकडून उत्तरे मागवली आहेत. लसीकरण प्रमाणपत्रावर पंतप्रधानांचा फोटो असणे हे मूलभूत अधिकारांचे उल्लंघन असल्याचा दावा याचिकाकर्त्याने केला आहे. न्यायालयाने केंद्र आणि राज्याला पुढील सुनावणीच्या तारखेपूर्वी प्रति-प्रतिज्ञापत्र दाखल करण्याचे निर्देश दिले आहेत.
याचिकाकर्ते पीटर मायालीपरंपिल यांनी दावा केला आहे की, त्यांनी लसीच्या दोन डोससाठी पैसे दिले होते. त्यामुळे प्रमाणपत्र ही त्यांचा खाजगी स्पेस असून यावर त्यांची वैयक्तिक माहिती आहे आणि एखाद्या व्यक्तीच्या गोपनीयतेवर हस्तक्षेप करणे अयोग्य आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
