देशात कोरोना महामारी पुन्हा एकदा डोकं वर काढत आहे. स्थिर झालेली रुग्णसंख्या पुन्हा एकदा वाढत आहे. केरळ राज्यात कोरोनाचा उद्रेक झाल्याचं दिसत आहे. मागील दोन महिन्यात एखाद्या राज्यात 24 तासांत वाढलेल्या रुग्णसंख्यापैकी सर्वाधिक रुग्णसंख्या केरळमध्ये आहे. मागील 24 तासांत केरळमध्ये 23 हजार 600 कोरोना रुग्ण आढळले आहेत. देशाच्या रुग्णसंख्येपैकी एकट्या केरळमध्ये 50 टक्केंपेक्षा जास्त रुग्ण आहेत. केरळमधील वाढलेल्या रुग्णसंख्येमुळे देशातील रुग्णसंख्या पुन्हा एकदा 40 हजारांपेक्षा जास्त झाली आहे. केरळशिवाय दिल्लीमध्येही कोरोना रुग्णसंख्येत वाढ झाल्याचं पाहायाला मिळाली होती. ए
कूण कोरोना रुग्णांच्या 70 टक्के रुग्ण केरळ आणि महाराष्ट्रातील आहेत. इतर राज्याच्या तुलनेत मागील दोन महिन्यातील केरळमध्ये आढळलेली सर्वाधिक रुग्णसंख्या आहे. 27 मे रोजी तामिळनाडूध्ये 24 हजार कोरोना रुग्ण आढळले होते. मागील दोन महिन्यापासून देशातील कोरोना रुग्णांच्या संख्येत घट होत होती. दुसरी लाट ओसरल्याचं तज्ज्ञांनी अंदाज व्यक्त केला होता. मात्र आता पुन्हा एकदा कोरोना रुग्णांच्या संख्येत वाढ होत आहे. त्यामुळे कोरोनाची तिसरी लाट आली आहे का? असा प्रश्न उपस्थित राहत आहे.
केरळ राज्याने देशाची चिंता वाढवली आहे. देशाच्या 56 टक्के रुग्ण एकट्या केरळमध्ये आढळले आहेत. केरळचा पॉझिटिव्हिटी रेट 11.18 टक्के इतका झाला आहे. गेल्या मंगळवारच्या तुलनेत या मंगळवारी देशाची रुग्णसंख्या घटली आहे.मात्र, केरळमधील रुग्णसंख्या वाढली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
