Amritpal Singh : पंजाब पोलिसांना गुंगारा देणारा मोस्ट वॉन्टेड खलिस्तानी अमृतपाल सिंग यानं आता थेट पंजाब सरकारलाच आव्हान दिलं आहे. सरकरला जर मला अटक करायची इच्छा असती तर त्यांनी पोलिसांना माझ्या घरी पाठवलं असतं, असं विधान अमृतपाल यानं केलं आहे. पीटीआयनं याबाबत वृत्त दिलं आहे. (Khalistani Amritpal Singh challenge to Punjab Police)
पीटीआयच्या वृत्तानुसार, अमृतपाल सिंग म्हणतोय की, जर पंजाब सरकारला मला अटक करण्याची इच्छा असती तर सरकारनं पोलिसांना माझ्या घरी पाठवलं असतं मी त्यांना तिथेच भेटलो असतो.
फरार अमृतपाल सिंगच्या शोधासाठी महाराष्ट्र पोलीस अलर्ट मोडवर आहे. याबाबत नांदेड पोलिसांना सुरक्षा यंत्रणांच्या विशेष सूचना देण्यात आल्या आहेत. नांदेडमध्ये येणाऱ्यांवर पोलिसांची कडक नजर असणार आहे. नांदेड शहरात पंजाबमधून येणाऱ्यांची संख्या मोठी आहे. यापूर्वी पंजाबमध्ये काही खलिस्तानी अतिरेकी पकडले गेले होते. अमृतपाल दुसऱ्या राज्यात जाऊ शकतो, त्यामुळं देशभरातील पोलीस देखील सतर्क झाले आहेत.
पंजाब सरकारला कोर्टानं फटकारलं!
पंजाब पोलीस अमृतपालचा शोध घेत आहेत, मात्र तो वेशांतर करुन पोलिसांना चकवा देत आहे. हे प्रकरण आता पंजाब आणि हरयाणा उच्च न्यायालयात पोहोचलं आहे. अमृतपाल पळून गेल्याबद्दल हायकोर्टानं पंजाब सरकारला फटकारलं असून आपल्याकडं ८० हजार पोलीस आहेत, तरीही तुम्ही त्याला अटक का करू शकत नाहीत? असा सवाल हायकोर्टानं केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
