Latest Marathi News Updates : देश-विदेशात दिवसभरात काय घडले वाचा एका क्लिकवर

अंबरनाथच्या MIDC कंपनीत गॅस गळती, .घोरपडी : पुणे-सोलापूर रस्त्यावरील काळू बाई चौकाजवळ ९३ अव्हेन्यू माॅलसमोर आज सायंकाळी साडे सातच्या सुमारास पीएमपीएमएलच्या इलेक्ट्रॉनिक बसला आग लागल्याची घटना घडली. सुदैवाने सर्व प्रवाशांना तातडीने सुखरूप बाहेर काढण्यात आले. अग्निशमन दलाच्या तीन गाड्यांनी आग आटोक्यात आणली. .मुंबई : गणेशोत्सव काळात कुठे आगीची दुर्घटना घडल्यास त्यावर तत्काळ उपाययोजना करण्यासाठी काय करावे, याबाबत गणशोत्सव मंडळांमध्ये जागृती निर्माण करण्यासाठी पालिकेच्या सर्व चोवीस वॉर्डांमध्ये आज प्रशिक्षण देण्यात आले. फायर अँड सिक्युरिटी असोसिएशन ऑफ इंडिया (एफएसएआय) मुंबई फायर ब्रिगेड (एमईबी) आणि मुंबई महापालिका यांच्या संयुक्त विद्यमाने आयोजित केलेल्या आगविषयक सुरक्षा प्रशिक्षणात सुमारे ३५० मंडळांचे प्रतिनिधींनी सहभाग झाले होते..सातारा : माजी सैनिकांचा सन्मान करण्यासाठी दि. 29 सप्टेंबर रोजी शौर्य दिन साजरा करण्याचे शासनाने निश्चित केले आहे. त्या अनुषंगाने जिल्हा सैनिक कल्याण कार्यालयामार्फत सातारा येथे शौर्य दिन साजरा करण्यात येणार आहे. .पुणे : ‘‘वक्फ बोर्ड जमिनींचे संरक्षण होण्यासाठी याबाबतचा कायदा आणखी मजबूत करण्याची गरज आहे. मात्र या कायद्यात दुरुस्ती करत असताना ठरावीक लोकांची मते विचारात घेवू नये. तसे झाल्यास हे बदल मागे घेण्यासाठी पंजाबमधील शेतकऱ्यांनी केलेल्या आंदोलनाप्रमाणे लढा देऊ,’’ असे मत सर्वोच्च न्यायालयात प्रॅक्टीस करीत असलेले ज्येष्ठ वकील अॅड. मेहमूद प्राचा यांनी व्यक्त केले..काँग्रेस अध्यक्ष मल्लिकार्जुन खर्गे यांनी सीपीआय (एम) चे सरचिटणीस आणि माजी राज्यसभा खासदार सीताराम येचुरी यांच्या पत्नी सीमा येचुरी यांना पत्र लिहिले आहे. "लोकांच्या सेवेसाठी आपले जीवन समर्पित करणारे ज्येष्ठ नेते सीताराम येचुरी यांच्या दुःखद निधनाबद्दल मी माझ्या आणि भारतीय राष्ट्रीय काँग्रेसच्या वतीने मनःपूर्वक शोक व्यक्त करतो. त्यांची वचनबद्धता आणि नेतृत्व नेहमीच स्मरणात राहील.".कोलकाता : पश्चिम बंगालच्या मुख्यमंत्री ममता बॅनर्जी यांच्या 'मी राजीनामा द्यायला तयार आहे' या वक्तव्यावर भाजप नेत्या रूपा गांगुली म्हणाल्या, "उद्याच्या दिवसाची सुरुवात या आनंदाच्या बातमीने करूया. त्यांनी किमान उद्या आरोग्यमंत्री पदाचा राजीनामा द्यावा...".पुण्यातील ढोल ताशा पथकातील सदस्यांच्या संख्येवर राष्ट्रीय हरित लवादाने घातलेल्या बंधनांवर सर्वोच्च न्यायालयाने स्थगिती आणली आहे. देशाचे सरन्यायधीश धनंजय चंद्रचूड यांच्या अध्यक्षतेखालील खंडपीठाने पुण्यातील ढोल ताशा पथकांना मोठा दिलासा दिला आहे..कोलकाता डॉक्टर बलात्कार आणि हत्या प्रकरणातील वाढत्या निषेधानंतर मुख्यमंत्री ममता बॅनर्जी यांनी सांगितले, की मी लोकांच्या फायद्यासाठी राजीनामा देण्यास तयार आहे. मलाही आरजी कार हॉस्पिटलच्या डॉक्टरच्या हत्येचा न्याय हवा आहे. मी बंगालच्या जनतेची माफी मागते, असे मुख्यमंत्री ममता बॅनर्जी म्हणाल्या. यापुढेही मी आंदोलन करणाऱ्या कनिष्ठ डॉक्टरांवर कोणतीही कारवाई करणार नाही..'अजितदादा पवार मुख्यमंत्री' अशा आशयाचे फलक आता मुंबईच्या बोरिवली दहिसर परिसरात झळकले आहेत. दहिसर राष्ट्रवादी तालुका अध्यक्ष ममता शर्मा यांनी दहिसर पूर्व परिसरामध्ये हे बॅनर लावले आहेत. या बॅनरवर यंदा गणरायाच्या चरणी एकच प्रार्थना पवार मुख्यमंत्री असा मजकूर देखील लिहिण्यात आला आहे. .राहुल गांधी यांना जीवे मारण्याची धमकी दिल्याप्रखरणी उद्या काँग्रेसचे राज्यभरात ठिकठिकाणी आंदोलन होणार आहे. जिल्हा मुख्यालयी आंदोलन करण्याचे आदेश प्रदेशाध्यक्ष नाना पटोले यांनी दिले आहेत..राहुल गांधींविरोधात भाजपची उद्या राज्यभर आंदोलनं होणार. आरक्षण विरोधी वक्तव्य केल्यानं राहुल गांधींविरोधात भाजपचा आक्रमक पवित्रा. ‘काँग्रेस हटाओ, आरक्षण बचाओ‘चा नारा देत भाजपकडून राज्यभर आंदोलनाची हाक. भाजपचे प्रदेशाध्यक्ष चंद्रशेखर बावनकुळे अकोल्यात तर आशिष शेलार, पंकजाताई मुंबईत आंदोलन करणार. रवींद्र चव्हाण ठाण्यात तर गिरीश महाजन जळगावात आंदोलन करणार.छत्रपती संभाजी नगर शहरातील आकाशवाणी परिसरातील आकाश बैजूज क्लासेस येथे एका विद्यार्थ्याने आत्महत्याचा प्रयत्न केल्याचा आरोप करत, काही सामाजिक संघटनांनी जाब विचारण्याचा प्रयत्न केला. मात्र समाधानकारक उत्तर न मिळाल्याने या इन्स्टिट्यूटची तोडफोड करण्यात आली आहे. ."भाजप आणि काँग्रेसच्या हरियाणा युनिट्स म्हणत आहेत की राज्यात आपचे अस्तित्व नाही. हे तेच पक्ष आहेत जे 2015 मध्ये म्हणत होते की दिल्लीत 'आप'चे अस्तित्व नाही. हे तेच पक्ष आहेत जे 2022 मध्ये म्हणायचे. AAP चे पंजाबमध्ये अस्तित्व नाही, तथापि, AAP लोकांची प्रथम क्रमांकाची पसंती आहे,असे 'आप'चे खासदार राघव चढ्ढा म्हणाले.दिल्ली-डेहराडून महामार्गावर कार आणि ट्रक यांच्यात झालेल्या धडकेत चार ठार तर तीन जखमी झाले आहेत..कोस्टल रोड वांद्रे-वरळी सी लिंकचे आज मुख्यमंत्री एकनाथ शिंदे यांच्या हस्ते लोकार्पण करण्यात आले. यावेळी रोडवरून जाताना देवेद्र फडणवीस गाडी चालवत आहेत आणि त्यांच्या शेजारी मुख्यमंत्री एकनाथ शिंदे बसले आहेत..पंतप्रधान नरेंद्र मोदी यांनी आज त्यांच्या निवासस्थानी पॅरिस पॅरालिम्पिक मधील खेळाडूंची भेट घेऊन त्यांच्याशी संवाद साधला. .कोस्टल रोड वांद्रे-वरळी सी लिंकला जोडण्याचे काम पूर्ण. एकमार्गिकाचे काम पूर्ण झाले आहे उद्यापासून सर्वसामान्य नागरिक या रस्तावरुन प्रवास करू शकणारया मार्गामुळे वाहतूक कोंडी कमी होऊन, नागरिकांना मरिन ड्रायव्ह वरुन वांद्रेत १२ मिनिटात पोहचता येणार असून यामुळे ७०% वेळ व ३०% इंधनाची होणार बचत.मुख्यमंत्री एकनाथ शिंदे यांच्या हस्ते लोकार्पण तर उपमुख्यमंत्री देवेंद्र फडणवीस, उपमुख्यमंत्री अजित पवार, पालकमंत्री दिपक केसरकर, तसेच मुंबई उपनगर पालकमंत्री मंगलप्रभात लोढा राहणार उपस्थित..अजित पवारांच्या राष्ट्रवादीचे नेते मंत्री धर्मरावबाबा अत्राम यांच्या कन्या भाग्यश्री अत्राम यांनी आज जयंत पाटील यांच्या उपस्थितीत शरद पवार यांच्या राष्ट्रवादीत प्रवेश केला आहे. .पश्चिम बंगाल: कोलकाता येथील आरजी कार मेडिकल कॉलेज आणि हॉस्पिटलजवळ एक संशयास्पद बॅग सापडली आहे. .मुंबईतील महाराष्ट्र राज्य कौशल्य विद्यापीठ इथे 15 सप्टेंबरला उपराष्ट्रपती जगदीप धनखड यांच्या हस्ते राज्यातील 434 आयटीआयमध्ये स्थापित करण्यात येणाऱ्या संविधान मंदिरांचं हेणार उद्घाटन..पुणे-सातारा महामार्गावरील खेडशिवापूर पोलिसांनी विक्रीसाठी आणलेला अवैध दारू साठा पकडला .प्रभादेवी जंक्शन परिसरातील रस्ता खचला असल्याची माहीती समोर येत आहे. यावेळी कोणाताही मोठा अपघात झाला नाही. . शरद पवार यांच्या उपस्थितीत ज्ञानेश महाराव यांनी प्रभू श्रीराम आणि समर्थ रामदास महाराजाबद्दल अपशब्द वापरल्याचा भाजपचा आरोप आहे. या विरोधात छत्रपती संभाजीनगरच्या क्रांती चौकामध्ये भाजपचे निषेध आंदोलन सुरु केले आहे. . राहुल गांधी येणाऱ्या काळात आरक्षण संपवणार असतील, तर मनोज जरांगे पाटील हे म्हणतील का? की राहुल गांधी देखील मा. देवेंद्र फडणवीस जींचा माणूस आहे? असा प्रश्न आमदार प्रसाद लाड यांनी विचारला .नाशिकमध्ये श्री गणेशाच्या विसर्जनासाठी 5 हजार पोलिसांची फौज तैनात करण्यात आलीय. विसर्जन मिरवणूक मार्गावर दोनशे सीसीटीव्ही, शिवाय सहा ड्रोनचा वॉच असणार आहे. .पाकिस्तानातील कराचीमध्ये राहणाऱ्या पाचशेहून अधिक मराठी नागरिकांनी दीड दिवसाचा गणेशोत्सव थाटात साजरा केला. महंमद अली जीना मार्गावरून निघालेल्या मिरवणुकीनंतर श्री लक्ष्मी नारायण मंदिर येथे 'गणपती बाप्पा मोरया, पुढच्या वर्षी लवकर या' अशी भक्तिभावाची साद घालत गणेशमूर्तीचे विसर्जन करण्यात आले. फाळणीपूर्वी पाकिस्तान भारताचाच भाग होता आणि कराची हे मुंबई इलाक्यात येत होते. कराचीत त्यावेळी हजारो मराठी कुटुंबे वास्तव्यास होती. फाळणीनंतर त्यातील बहुतेक कुटुंबे भारतात आली; पण शेकडो कुटुंबे पाकिस्तानात, खास करून करचीतच राहिली. त्यात कृष्णा नाईक यांच्या कुटुंबाचा समावेश आहे. कृष्णा नाईक हे मूळचे कोकणातील. त्यांनी तेथे गणेशोत्सवास प्रारंभ केला. त्यांच्या निधनानंतर त्यांचे पुत्र सुनील नाईक व राजेश नाईक यांनी गणेशोत्सवाची परंपरा पुढे कायम ठेवली..बाल न्याय मंडळात पाच हजार ७०८ दावे प्रलंबित आहेत. अल्पवयीनांवरील दाखल गुन्हे, प्रलंबित खटल्यांची संख्या दिवसेंदिवस वाढत आहे. दावे निकाली काढण्यासाठी केवळ एकच न्याय मंडळ कार्यरत असल्याने त्याचा परिणाम कामकाजावर झाला आहे. अल्पवयीनांविरुद्ध गुन्हा दाखल झाल्यानंतर सुनावणी न्यायालयात होत नाही. बाल न्याय मंडळात याबाबतची सुनावणी होते. गंभीर गुन्ह्यात सामील असलेल्या मुलांचे संगोपन, तसेच त्यांच्यात सुधार व्हावा, यादृष्टीने मंडळाचे कामकाज चालते. .पुण्यातील गणेश विसर्जनासाठी साडेपाच हजार पोलिसांचा फौज फाटा तैनात करण्यात आला आहे. अनंत चतुर्दशीला भक्ती भावाने निरोप देताना कडेकोट बंदोबस्त राहणार आहे.अप्पर पोलीस आयुक्त4 पोलीस उपायुक्त,10 सहाय्यक पोलीस आयुक्त,23, पोलीस निरीक्षक,128 सहाय्यक पोलीस निरीक्षक 568 पोलीस कर्मचारी,4604, होमगार्ड 1000, राखीव पोलीस दल 1 तुकडी बंदोबस्ताला असणार आहे. 1800 सीसीटीव्ही कॅमेरे, 18 पोलीस मदत केंद्र सुरक्षा व्यवस्थेवर लक्ष ठेवणार आहे..कोस्टल रोड वांद्रे-वरळी सी लिंकला जोडण्याचे काम पूर्ण झाले आहे. कोस्टल दीड- वांद्रे सी लिंक मार्गाचे आज लोकार्पण होणार आहे. या मार्गामुळे वाहतूक कोंडी कमी होऊन, नागरिकांना मरिन ड्रायव्ह वरुन वांद्रेत १२ मिनिटात पोहचता येणार असून यामुळे ७०% वेळ व ३०% इंधनाची बचत होणार आहे.मुख्यमंत्री एकनाथ शिंदे यांचे हस्ते लोकार्पण तर उपमुख्यमंत्री देवेंद्र फडणवीस, उपमुख्यमंत्री अजित पवार, पालकमंत्री दिपक केसरकर, तसेच मुंबई उपनगर पालकमंत्री मंगलप्रभात लोढा राहणार उपस्थित..वनराज आंदेकर खून प्रकरणाची व्याप्ती वाढली आहे. फरार आरोपी सागर पवार याला अटक करण्यात आली आहे. तर सहील दळवी नावाच्या तरुणाला ताब्यात घेण्यात आले आहे. .ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Updates : देश-विदेशात दिवसभरात काय घडले वाचा एका क्लिकवर

Ambernath Live : संपूर्ण अंबरनाथ शहरात केमिकल गॅसचा पसरला धूर

Related Stories