Latest Marathi News Updates : दिवसभरातील महत्त्वाच्या घडामोडी वाचा एका क्लिकवर...

महाराष्ट्र नवनिर्माण सेनेचे नेते अमित ठाकरे उद्या गुरुवार १२ सप्टेंबर रोजी सकाळी १० वाजता लालबागच्या राजाचे दर्शन घेणार आहेत..जम्मू-काश्मीरच्या उधमपूर जिल्ह्यामध्ये सुरक्षा दलांनी आज दोन दहशतवाद्यांचा खात्मा केला. येथील वसंतगड परिसरामध्ये दुपारी सुरक्षा दले आणि दहशतवादी यांच्यातील चकमकीला तोंड फुटले होते. या भागातील घनदाट जंगलांमध्ये दहशतवादी लपून बसले असल्याची माहिती सुरक्षादलांना आधीच मिळाली होती त्यानुसार त्यांनी शोध मोहीम सुरू केली होती. रायझिंग स्टार कोअरच्या तुकडीने ही मोहीम राबविली..झाडे तोडण्यासाठी सहज परवानगी देणाऱ्या महापालिकांना उच्च न्यायालयाने तंबी दिली आहे. १९७५ च्या वृक्ष कायद्याच्या तरतुदींचे पालन न करणाऱ्या पालिकांवर कारवाई होणार आहे. .हरियाणा विधानसभा निवडणुकीसाठी आम आदमी पार्टीने 9 उमेदवारांची पाचवी यादी जाहीर केली आहे. आम आदमी पार्टीने आतापर्यंत 70 उमेदवारांची नावे जाहीर केली आहेत..गुप्तचर माहितीच्या आधारे, कुपवाडा येथील केरन सेक्टरमध्ये भारतीय लष्कर आणि जम्मू-कश्मीर पोलिसांनी संयुक्त ऑपरेशन सुरू केलं आहे. येथे स्फोटकांचा खूप मोठा साठा जप्त करण्यात आला आहे, असे भारतीय लष्कराने स्पष्ट केले..नवी दिल्ली : आम आदमी पार्टी (AAP) ने आज आगामी हरियाणा विधानसभा निवडणुकीसाठी 21 उमेदवारांची चौथी यादी जाहीर केली. 'आप'ने 90 सदस्यीय विधानसभेसाठी आतापर्यंत 61 उमेदवार जाहीर केले आहेत..साताऱ्यात गणपती विसर्जनाला रात्री 12 पर्यंत डॉल्बी आणि पारंपरिक वाद्याला परवानगी देण्यात आली आहे. याबाबत नुकतीच बैठक झाली. त्यात पोलीस उपअधीक्षक राजीव नवले यांनी आपला निर्णय दिला आहे. .हरियाणा विधानसभा निवडणुकीसाठी AAP ने 40 स्टार प्रचारकांची घोषणा केली आहे. दिल्लीचे मुख्यमंत्री अरविंद केजरीवाल, त्यांच्या पत्नी सुनीता केजरीवाल आणि पंजाबचे मुख्यमंत्री भगवंत मान यांच्या नावांचा स्टार प्रचारकांच्या यादीत समावेश आहे..उरुळी कांचन : हिंदुस्थान पेट्रोलियम व इंडियन ऑईल कंपनीचे इंधन चोरून काळ्या बाजारात विकणाऱ्या टोळीला लोणी काळभोर पोलिसांनी रंगेहाथ पकडून जेरबंद केले आहे. या कारवाईत पोलिसांनी आठ जणांना अटक करून त्यांच्याकडून ४८ लाख १ हजार ८०० रुपयाचा मुद्देमाल जप्त केला आहे. .जम्मू-काश्मीरमध्ये विधानसभा निवडणुकीपूर्वी लष्कर आणि पोलिसांनी संयुक्तपणे मोठी कारवाई केलीये. कठुआ जिल्ह्यात आज भारतीय लष्कराचे विशेष दल आणि जम्मू-काश्मीर पोलिसांनी केलेल्या यशस्वी कारवाईत तीन दहशतवाद्यांचा खात्मा करण्यात आला. सूत्रांनी दिलेल्या माहितीनुसार, ही कारवाई अजूनही सुरू आहे..अमित शहा यांच्या मुंबई दौ-यानंतर भाजपा कोअर कमिटीची १८ तारखेला बैठक आहे. विधानसभा निवडणुकीसाठी महायुतीचा फॉर्म्युला अंतिम टप्प्यात आला आहे. भाजपा कोअर कमिटीच्या बैठकीनंतर जागा वाटपाचा तिढा सुटेल. भाजपाचा मेगा प्लॅन आणि महायुतीमधील जागा वाटप नेमकं कसं? असावं या संदर्भात कोअर कमिटीमध्ये विचारमंथन होईल..मुंबईत आज पाचव्या दिवसाच्या गणपती बाप्पाचा मूर्तींचे विसर्जन होत आहे. विसर्जनासाठी मुंबई महानगर पालिकेच्या माध्यमातून मोठ्या प्रमाणावर तयारी करण्यात आली आहे. कृत्रिम तलावांसोबतच समुद्रकिनाऱ्यावर देखील विसर्जन होत आहे. पश्चिम उपनगरातील जुहू चौपाटी या ठिकाणी मोठ्या प्रमाणावर गणपती मूर्ती विसर्जन होत असते. या ठिकाणी महापालिका मुंबई पोलीस आणि वाहतूक पोलिसांकडून देखील मोठ्या प्रमाणावर तयारी करण्यात आली आहे. खाजगी जीवरक्षक विविध महाविद्यालयांचे एनएसएसचे विद्यार्थी यांची देखील या विसर्जन प्रक्रियेसाठी मदत घेतली जात आहे. तसंच होणारी गर्दी पाहता या ठिकाणी पोलिसांकडून 100 पेक्षा अधिक सीसीटीव्ही कॅमेरे समुद्रकिनारी भागात लावले असून याच्याच माध्यमातून गर्दीवर लक्ष ठेवलं जाणार आहे. .राहुल गांधीचा खरा चेहरा समोर आला आहे. आरक्षणावरून राहूल गांधीवर टिक करण्यात आली आहे. पंतप्रधान मोदींच्या यशामुळे काँग्रेस निराश झाली आहे आणि राहुल यांनी नागरिकांच्या भावना दुखावल्याबद्दल देशाची माफी मागावी असे केंद्रीय मंत्री पीयूष गोयल म्हणाले आहे. .जम्मू आणि काश्मीरमध्ये कठुआ येथे गुप्तचरांच्या नेतृत्वाखाली ऑपरेशन सुरू आहे. कठुआ-बसंतगड सीमेजवळ जवानांनी दहशतवाद्यांशी संपर्क प्रस्थापित केला आहे. ऑपरेशन चालू आहे..भारतात निर्माण केलेल्या चीपस्ची संख्या वाढवणं हा आजच्या भारताचा मंत्र असून सेमीकंडक्टर उत्पादन वाढवण्यासाठी अनेक पावलं उचलली आहेत असे पंतप्रधान नरेंद्र मोदी यांनी माहिती दिली आहे. .जम्मू आणि काश्मीर निवडणूक 2024 च्या पार्श्वभूमीवर बिल्लावार विधानसभा मतदारसंघातून उमेदवारी दाखल करण्यापूर्वी भाजप उमेदवार सतीश शर्मा यांनी रोड शो केला..अभिनेत्री-मॉडेल मलायका अरोराच्या वडिलांनी मुंबईतील इमारतीवरून उडी मारून जीवन संपवले आहे. "या इमारतीच्या आत अनिल मेहता वय 62 वर्षांचा मृतदेह आढळून आला. सविस्तर तपास सुरू आहे. वांद्रे पोलिस स्टेशनसह फॉरेन्सिक टीम घटनास्थळी आहे. आम्ही सर्व बाजूंनी अधिक तपास करू आणि पुढील कायदेशीर प्रक्रिया सुरू आहे," असे डीसीपी राज टिळक रोशन म्हणाले..चंद्रपूर ः शेतपिकांच्या संरक्षणासाठी शेतात सोडण्यात आलेल्या वीजतारांच्या स्पर्शाने चार शेतकऱ्यांचा मृत्यू झाला. ही घटना बुधवार (ता.११) सकाळी अकरा वाजताच्या सुमारास ब्रह्मपुरी तालुक्यातील गणेशपूर या गावात घडली. प्रकाश राऊत, नानाजी राऊत, युवराज डोंगरे आणि पुंडलिक मानकर अशी मृतांची नावे आहे. यातील तिघे शेतकरी गणेशपूर या गावातील तर एक शेतकरी चिचखेडा गावातील रहिवासी आहे..मुख्यमंत्री एकनाथ शिंदे यांनी राहुल गांधी यांच्यावर परदेशातील वक्तव्यावर सडकून टीका केली आहे. काय म्हणाले मुख्यमंत्री एकनाथ शिंदे?.जगातील प्रत्येक उपकरणात मेड इन इंडिया चिप असावी. सेमीकंडक्टर पॉवरहाऊस बनण्यासाठी जे काही आवश्यक असेल ते भारत करणार आहे - पंतप्रधान नरेंद्र मोदी. .दिल्लीतील जवाहरलाल नेहरू विश्वविद्यालयात छत्रपती शिवाजी महाराज सेंटर फॉर सिक्युरिटी स्टडीज या नव्या अध्यासन केंद्राची स्थापना करण्यासाठी एक समिती गठन. .अभिनेता राजकुमार राव आणि त्याची पत्नी आणि अभिनेत्री पत्रलेखा यांनी आज मुंबईतील लालबागचा राजा येथे गणपतीच्या दर्शन घेतले. .हिमाचल प्रदेशातील संजौली परिसरातील एका मशिदीचे कथित बेकायदेशीर बांधकाम झाल्याचा आरोप करत अनेकांनी याविरोधात आंदोलन पुकारले आहे. दरम्यान पोलिसांनी आंदोलकांना पांगवण्यासाठी त्यांच्यावर लाठीचार्ज केला..संजौली परिसरातील एका मशिदीच्या कथित बेकायदेशीर बांधकामाविरोधात निषेध रॅली दरम्यान आंदोलकांनी बॅरिकेडिंग हटवत धल्ली बोगदा पोर्टलमध्ये प्रवेश केला..कोल्हापूर पोलिसांनी मोठी कारवाई करत कर्नाटकातील दोन अट्टल घरफोड्यांना सापळा रचून केली अटक केली. यावेळी त्यांनी ८६ लाख २६ हजारांचा मुद्देमाल केला जप्त..कोरेगाव भीमा विजयस्तंभाच्या विविध मागण्यांसाठी कोरेगाव भीमा ते मंत्रालय, तसेच मुख्यमंत्री, उपमुख्यमंत्री यांच्या निवासस्थानावर सन्मान मार्चा आयोजित करण्यात आला आहे.भुसावळ सुरत रेल्वेस्थानकाच्या पुनर्विकास कामामुळे तेथील प्लॅटफॉर्म क्रमांक ४ वरील ट्रॅफिक ब्लॉक ३० सप्टेंबरपर्यंत वाढवला आहे. यामुळे सुरत रेल्वेस्थानकावरून सुटणाऱ्या आणि येणाऱ्या काही प्रवासी रेल्वेगाड्यांचे टर्मिनस सुरत स्थानकाऐवजी उधना स्थानक करण्यात आले आहे. .खडकवासला धरण साखळी प्रकल्पातील चारही धरणांच्या परिसरात पावसाने पुन्हा हजेरी लावली आहे. पावसाचे प्रमाण कमी असले तरी चारही धरणे पूर्ण क्षमतेने भरले असल्याने, खडकवासला धरणातून मुठा नदीपात्रात 856 क्यूसेक्स विसर्ग सुरू करण्यात आलाय. खडकवासला धरण साखळीत 99.89% पाणी साठा जमा झाला आहे. टेमघर, वरसगाव आणि पानशेत ही तिन्ही धरण 100 टक्के भरले आहेत. खडकवासला धरणात 98.41 टक्के पाणीसाठा आहे..गणेशोत्सव काळात पुण्यात गर्दी वाढली आहे. वाढती गर्दी पाहता संध्याकाळी ५ नंतर प्रमुख रस्ते वाहतुकीसाठी बंद करण्याचा प्रशासनाचा निर्णय आहे. संध्याकाळी ५ नंतर लक्ष्मी रोड , शिवाजी रोड ,बाजीराव रोड, टिळक रोड बंद ठेवला जाणार आहे. पर्यायी मार्गाचा वापर करण्याचा पोलिसांचं आवाहन आहे. आजपासून पुण्यात गर्दी वाढणार आहे.पोलिसांनी पर्यायी मार्गांची यादी जाहीर केली आहे..गणेश गल्लीत गणेश भक्त आनंद उत्सव साजरा करत असताना अपघात झाला आहे. बसने का महिलेला धडक दिली आहे,, दुर्दैवी घटनेत महिला गंभीर जखमी झाली आहे. सकाळी 5:30 च्या सुमारास ही घटना घडली. घटनेत जीवित हानी नाही मात्र महिलेच्या पायाला गंभीर दुखापत झाली आहे. बस महिलेच्या पायावरून गेल्यावर उपस्थित गणेश भक्त बस चालकावर संतापले होते. सध्या गणेश गल्लीत बाप्पाच्या दर्शनासाठी 24 तास गर्दी बघायला मिळत आहे..भाजपचे अंधेरी पूर्व मधील उमेदवार मुरजी पटेल यांनी काल ठाण्यात मुख्यमंत्र्यांची भेट घेतली. अंधेरी पूर्व विधानसभा निवडणूक लढवण्यासाठी मुरजी पटेल हे इच्छुक आहेत.ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Updates : दिवसभरातील महत्त्वाच्या घडामोडी वाचा एका क्लिकवर...

अमित ठाकरे घेणार लालबागच्या राजाचं दर्शन

Related Stories