Latest Marathi News Updates : दिवसभरातील महत्त्वाच्या घडामोडी वाचा एका क्लिकवर...

मराठा आरक्षणाबाबत उद्या सुप्रीम कोर्टात सुनावणी होणार आहेत. दाखल असलेल्या क्यूरेटीव्ह पीटिशनवर दुपारी १.३० वाजता सुनावणी पार पडेल..भाजपचे सरचिटणीस विनोद तावडे म्हणाले, "सदस्यत्व अभियान 2024 चे उद्घाटन पंतप्रधानांच्या हस्ते झाले. आज भाजपने 8 दिवसात 2 कोटी सदस्य पूर्ण केले आहेत. आज राष्ट्रीय अध्यक्ष, गृहमंत्री आणि संघटन सरचिटणीस यांनी 9 राज्यांना बोलावून त्यांची भेट घेतली.''.मॉस्को : युक्रेनने आज मॉस्कोवर आतापर्यंतचा सर्वात मोठा ड्रोन हल्ला केला. 144 ड्रोनच्या हल्ल्यात डझनभर इमारती उद्ध्वस्त झाल्या. हल्ल्यामुळे रशियाला मॉस्को विमानतळावरून 50 उड्डाणे वळवावी लागली..दिल्ली : काँग्रेसचे सरचिटणीस केसी वेणुगोपाल म्हणाले, "त्यांचा एकच अजेंडा आहे. राहुल गांधींना टार्गेट करणे. त्यांना जे हवे ते करू द्या. पण, भारतातील जनता राहुल गांधींसोबत आहे. देशातील जनता त्यांच्याबद्दल आणि भाजपबद्दलही जाणते.''.पुणे : वीज चोरीप्रकरणी दाखल असलेल्या तक्रारीत करण्यात आलेला दंड आणि बिल रकमेत आता १५ टक्के सवलत मिळणार आहे. २८ सप्टेंबरला होत असलेल्या लोक अदालतीत ही सवलत दिली जाणार असून त्यामुळे वीच चोरीचा गुन्हा दाखल असलेल्यांना मोठा दिलासा मिळणार आहे..गुजरातमध्ये पुराची स्थिती निर्माण झाली आहे. याच पार्श्वभूमीवर शेतकऱ्यांना नुकसान भरपाई देण्यासाठी विशेष पथके सर्वेक्षण करत आहेत..11-12 सप्टेंबर रोजी राज्यातील सर्व सरकारी आणि खासगी महाविद्यालये बंद राहतील, असे मणिपूर सरकारने जाहीर केले आहे..मणिपूर हिंसाचाराने आता आणखी भयानक रूप धारण केले आहे. ठिकठिकाणी लोकांची निदर्शने सुरू आहेत. दरम्यान, केंद्राने जातीय संघर्षग्रस्त मणिपूरमध्ये सुरक्षा कर्तव्यांसाठी सुमारे 2,000 जवानांचा समावेश असलेल्या दोन नवीन CRPF बटालियन तैनात करण्याचे निर्देश दिले आहेत. बटालियन क्रमांक 58 तेलंगणातील वारंगल येथून पाठविण्यात येत आहे, तर बटालियन क्रमांक 112 झारखंडमधील लातेहार येथून पाठविण्यात येत आहे..विरोधी पक्षनेते विजय वडेट्टीवार यांनी केलेले आरोप धादांत खोटे आहेत, असं मंत्री मंगलप्रभात लोढा यांनी म्हटलं आहे. कुलाब्यातील भूखंडाशी माझा काहीही संबंध नाही. त्यामध्ये माझं नाव घेणं अतिशय चुकीचं आहे. मी वडेट्टीवार यांना आवाहन करतो की, माझ्याबद्दल त्यांनी पुरावे दाखवा नाहीतर आरोप मागे घ्या, असं मंगलप्रभात लोढा यांनी म्हटलं आहे. मी राजकारणात व सामाजिक जीवनात प्रामाणिकपणे व्यवसाय करून जगत आहे, याची जाण ठेवली पाहिजे. आधी आरोप करायचे आणि नंतर त्यात काही संबंध नसताना बातमी मोठी करायची, हे आता बंद झालं पाहिजे, असंही लोढा यांनी म्हटलं आहे..भारतातील पहिला सार्वजनिक गणपती श्रीमंत भाऊसाहेब रंगारी गणपती ट्रस्टकडून आज ऑलिम्पिक पदक विजेता स्वप्नील कुसाळे याचा गौरव करण्यात आला. ट्रस्टचे उत्सव प्रमुख पुनीत बालन यांच्या हस्ते 11 लाखांचा धनादेश देऊन स्वप्नीलला सन्मानीन करण्यात आले..शिवाजी महाराजांच्या समाधी संदर्भात सरसंघाचालकांनी संदिग्ध विधान केलं आहे, असं मत इतिहास संशोधक इंद्रजीत सावंत यांनी म्हटलं आहे. सरसंघचालक मोहन भागवत यांनी छत्रपती शिवाजी महाराजांच्या समाधी संदर्भात थोडी माहिती घेऊन विधान करायला हवं होतं. छत्रपती शिवाजी महाराज यांची रायगडावरील समाधी ही महात्मा ज्योतिराव फुले यांनी शोधून काढली. या संदर्भातले अनेक दाखले यापूर्वीच संशोधकांनी मांडलेले आहेत. .केंद्रीय गृहमंत्री अमित शहा एका बैठकीला उपस्थित राहण्यासाठी दिल्लीतील भाजप मुख्यालयात पोहोचले.."... जर ड्रायव्हर दारूच्या नशेत असेल तर मालक गाडीत त्याच्या बाजूला बसेल की मालक गाडी ड्रायव्हरला देईल? जर ड्रायव्हरने हे केले असेल तर नंबर प्लेट का काढली? लपवायची काय गरज होती..." असे LoP महाराष्ट्र विधानसभा, विजय वडेट्टीवार म्हणाले.नागपुरात काल रात्री भरधाव वेगात आलेल्या आलिशान कारने अन्य दोन कार आणि एका दुचाकीला धडक दिली. या अपघातात कार व दुचाकीचे दोन्ही नुकसान झाले असून कारमधील प्रवासी किरकोळ जखमी झाले आहेत. सीताबर्डी पोलिसांनी कारचा चालक अर्जुन हावरे आणि त्याच्या शेजारी बसलेला रोनित चिंतामवार यांच्याविरुद्ध रॅश ड्रायव्हिंगचा गुन्हा दाखल केला आहे. अपघाताला कारणीभूत असलेल्या कारची नोंद भाजप प्रदेशाध्यक्ष चंद्रशेखर बावनकुळे यांचा मुलगा संकेत बावनकुळे याच्या नावावर आहे..ऐन पावसाळ्यात डोल्हार्यात कृत्रिम पाणी टंचाईप्रशासनाचा हलगर्जीपणा,महिलांचा ग्रामपंचायत कार्यालयावर हंडा मोर्चा.कोंकणातील जिल्ह्यांमध्ये तुरळक ठिकाणी मुसळधार पाऊस पडण्याची शक्यता आहे. मध्य महाराष्ट्रातील जिल्ह्यांमध्ये घाट भागातील तुरळक ठिकाणी मुसळधार पाऊस पडण्याची शक्यता आहे. उत्तर मध्य महाराष्ट्र आणि मराठवाड्यातील जिल्ह्यांमध्ये तुरळक ठिकाणी विजांच्या कडकडाटासह वादळ, सोसाट्याचा वारा (30-40 किमी प्रतितास वेग) आणि मध्यम पाऊस पडण्याची शक्यता आहे. विदर्भातील जिल्ह्यांमध्ये तुरळक ठिकाणी विजांच्या कडकडाटासह वादळ, सोसाट्याचा वारा आणि मुसळधार पाऊस पडण्याची शक्यता आहे. .पंतप्रधान नरेंद्र मोदी 20 सप्टेंबरला महाराष्ट्र दौऱ्यावरकौशल्य विकास विभागाच्या आचार्य चाणक्य कौशल्य विकास केंद्राचे पंतप्रधान उदघाटन करणारराज्यातील एक हजार महाविद्यालयात शासनातर्फे आचार्य चाणक्य कौशल्य विकास केंद्र स्थापन केली जाणारप्रत्येक महाविद्यालयातील 150 विद्यार्थ्यांना प्रशिक्षण दिलं जाणारदरवर्षी दीड लाख विद्यार्थ्यांना मिळणार कौशल्य प्रशिक्षणाचा लाभ.केदारनाथ धाम यात्रा मार्गावर मुसळधार पावसामुळे सोनप्रयागजवळ झालेल्या भूस्खलनात ५ जणांचा मृत्यू झाला आहे तर तीन जण जखमी झाले आहेत. याठिकाणी पोलीस, प्रशासन, एसडीआरएफ, एनडीआरएफ आणि डीडीआरएफ यांच्याकडून बचावकार्य सुरू आहे. .शेतकरी आत्महत्याग्रस्त छत्रपती संभाजीनगर,जालना,नांदेड,बीड, धाराशिव,परभणी, लातूर, हिंगोली, अमरावती, वाशिम, अकोला, बुलढाणा, यवतमाळ व वर्धा या १४ जिल्ह्यांतील केशरी शिधापत्रिकाधारक शेतकऱ्यांना जानेवारी २०२३ पासून अन्नधान्याऐवजी प्रतिमाह प्रतिलाभार्थी १५० रु. डीबीटीद्वारे दिले जातात. या रकमेमध्ये जून २०२४ पासून वाढ करुन ही रक्कम १७० रुपये इतकी करण्यात आली आहे. ११ लाख ८४ हजार ८४७ पात्र लाभार्थ्यांच्या बँक खात्यात ११३ कोटी ५८ लाख ६५ हजार ५१२ रुपयांचा लाभ जमा करण्यात आला आहे..मुंबईसह नवी मुंबईत पश्चिम रेल्वेची वाहतूक विस्कळीत झाल्याने लोकल गाड्या 10 ते 15 मिनिटे उशीराने धावत आहेत. दरम्यान आज पहाटेही नेरुळ स्थानकावर तांत्रिक बिघाड झाल्याने वाहतूक ठप्प झाली होती..मार्क्सवादी कम्युनिस्ट पक्षाचे (सीपीआय-एम) सरचिटणीस सीताराम येचुरी यांची प्रकृती चिंताजनक आहे. काही दिवसांपूर्वी त्यांना दिल्लीतील एम्समध्ये दाखल करण्यात आले होते. येथे श्वास घेण्यास त्रास झाल्यानंतर त्यांना आता आयसीयूमध्ये दाखल करण्यात आले आहे. सध्या डॉक्टरांचे पथक त्यांच्या प्रकृतीवर लक्ष ठेवून आहे..सर्वोच्च न्यायालयाच्या निर्देशानंतरही कोलकाता इथल्या आर.जी.कर महाविद्यालयातल्या आंदोलनकर्त्या कनिष्ठ डॉक्टरांचा आजही कामावर रुजू न होण्याचा निर्णय कायम ठेवला आहे. सर्वोच्च न्यायालयाचे डॉक्टरांना आज संध्याकाळी पाच वाजेपर्यंत कामावर रुजू होण्याचे आदेश दिले आहेत..गणेश विसर्जनासाठी मुंबई महानगरपालिका सज्ज झाली असून, सुमारे १२ हजार अधिकारी आणि कर्मचारी तैनात करण्यात आले आहेत. विसर्जनासाठी ६९ नैसर्गिक स्थळांसह २०४ कृत्रिम तलावांची व्यवस्था करण्यात आली आहेत. दरम्यान भाविकांच्या सुरक्षेसाठी ७६१ जीवरक्षकांसह ४८ मोटरबोटीही तैनात केल्या आहेत..महाराष्ट्रातील आमदार अपात्रता प्रकरणाची आज सर्वोच्च न्यायालयात सुनावणी होणार होती. मात्र, आता ही सुनावणी आज होणार नसल्याचे स्पष्ट झाले..स्मृतीभ्रशाने (अलझायमर) ग्रस्त असलेले ७६ वर्षीय वैज्ञानिक बांद्राच्या राहत्या घरातून बेपत्ता झाले आहेत. फुल आणायला जातो असे सांगून गुरुवारी सकाळी ९:३० ला बाहेर पडले होते. निर्मल नगर पोलीस ठाण्यात हरवल्याची तक्रार दाखल करण्यात आली आहे.विनायक कोलवणकर बीएआरसीमध्ये वैज्ञानिक होते. कंपांची पूर्वसूचना देण्यासंदर्भात केलं होतं कोलवणकर यांनी मोलाचं काम केलं आहे. माजी राष्ट्रपती एपीजे अब्दुल कलाम यांनी राष्ट्रपती पदक देऊन कोलवणकर यांचा गौरव केला होता..पुणे:- राष्ट्रवादी काँग्रेस अजित पवार पक्षाकडून विधानपरिषदेच्यासाठी विविध नेत्यांचे नाव पुढे येत असताना आज पुणे शहरातील जवळपास शंभरहून अधिक पदाधिकाऱ्यांकडून पक्षाचे राष्ट्रीय अध्यक्ष अजित पवार यांची भेट घेत शहराध्यक्ष दिपक मानकर यांना विधानपरिषदेवर संधी देण्यात यावी अशी मागणी करण्यात आली आहे.काही दिवसांपूर्वी राष्ट्रवादी काँग्रेस पक्षाच्या नेत्या रुपाली चाकणकर यांचं विधानपरिषदेच्यासाठी नाव पुढं आल्यानंतर पक्षाच्या महिला नेत्या रुपाली ठोंबरे पाटील यांनी थेट एका पदाधिकाऱ्याला एक पद देत मी देखील इच्छुक असल्याचं म्हटलं होतं.आणि आत्ता शहरातील पदाधिकाऱ्यांनीच शहराध्यक्ष दिपक मानकर यांचं नाव पुढे करत अजित दादांनी शहराध्यक्ष दिपक मानकर यांना संधी द्यावी अशी मागणी केली आहे..पुणे शहरात राशन दुकानात आनंदांचा शिधा नाही.गणपती उत्सवाचे तीन दिवस उलटले तरी आनंदाचा शिधा अजून दुकानदारांना मिळाला नाही. धान्य वेळेवर येत नसल्याने दुकानदार पण नाराज आहेत.दुकानावर नागरिकांना हेलपाटे मारावे लागत आहेत. शिद्यातील वस्तु गोडाऊनला आल्यात आठवड्यात वाटप पूर्ण होईल जिल्हा प्रशासनाची माहिती आहे. आठवड्याच्या अखेरीस नेहमीच्या धान्य वाटपाला सुरुवात होईल..पूर्व विदर्भामध्ये पावसाचा जोर वाढला आहे. आज पूर्व विदर्भाला ऑरेंज अलर्ट देण्यात आला आहे. दोन दिवस पावसाचा जोर कायम राहण्याची शक्यता व्यक्त केली जात आहे..शिवसेना ठाकरे गटाचे सचिव सुरज चव्हाण यांचा जामीन अर्ज PMLA कोर्टाने फेटाळला आहे. सुरज चव्हाण यांच्या विरोधात पुरेसे पुरावे असल्याचा कोर्टाचा निष्कर्ष आहे. .उपमुख्यमंत्री अजित पवार आज पुणे दौऱ्यावर आले आहेत. अजित पवार शासकीय विश्रामगृहावर दाखल झालेत आहेत. .सकाळ+ चे सदस्य व्हा ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Updates : दिवसभरातील महत्त्वाच्या घडामोडी वाचा एका क्लिकवर...

मराठा आरक्षणावर उद्या सुप्रीम कोर्टात सुनावणी

Related Stories