Latest Marathi News: दिवसभरातील महत्त्वाच्या घडामोडी वाचा एका क्लिकवर

पुण्यात धानोरी रोडवरील एका जीमला भीषण आग लागली. यामध्ये कोणतीही जीवितहानी झाली नाही. मात्र, जीमचे लाखो रूपयांचे नुकसान झाले.

#NEETUG पेपर लीक प्रकरणात बिहार पोलिसांनी अटक केलेल्या सहा आरोपींना आज पाटणा येथील आर्थिक गुन्हे युनिट न्यायालयात हजर करण्यात आले. या प्रकरणी आर्थिक गुन्हे शाखेने काल सहा आरोपींना देवघर, झारखंड येथून अटक केली होती.

नवी दिल्ली : उद्यापासून संसदेचे अधिवेशन आहे. पहिल्या दिवशी पंतप्रधान नरेंद्र मोदी यांच्यासह त्याच्या मंत्रिमंडळातील सदस्य शपथ घेणार आहे. पहिल्या दिवशी एकूण २८० खासदार शपथ घेणार आहेत. यामध्ये महाराष्ट्रातील १४ खासदार पहिल्या दिवशी शपथ घेणार तर दुसऱ्या दिवशी महाराष्ट्रातील ३४ खासदार शपथ घेणार.

Chhattisgarhधमतरी, छत्तीसगड: खल्लारी पोलीस स्टेशन हद्दीतील अमझर आणि मुहकोट गावातील जंगलात दुपारपासून सुरक्षा दल आणि नक्षलवाद्यांमध्ये चकमक सुरू आहे. अनेक नक्षलवादी जखमी झाल्याची शक्यता आहे.

पुणे ड्रग्ज प्रकरणात ५ जणांना ताब्यात घेण्यात आले. सीसीटीव्ही देखील जप्त. हॉटेल मालकाला देखील ताब्यात घेतलं आहे.

दिल्लीचे मुख्यमंत्री अरविंद केजरीवाल यांनी आपल्या जामिनावर दिल्ली उच्च न्यायालयाने घातलेल्या स्थगितीबाबत सर्वोच्च न्यायालयात याचिका दाखल केली आहे. अरविंद केजरीवाल यांच्या वकिलांनी उद्या सकाळी सुनावणी घेण्याचे आवाहन केले आहे.

इंडियन मेडिकल असोसिएशन (मुख्यालय) पंतप्रधान नरेंद्र मोदी, केंद्रीय एचएम अमित शाह, केंद्रीय आरोग्य मंत्री जेपी नड्डा आणि शिक्षण मंत्री धर्मेंद्र प्रधान यांचे आभार मानले.

NEET UG परीक्षेतील "अनियमितता" चा तपास सखोल तपासासाठी CBI कडे हस्तांतरित केल्याबद्दल आम्ही शिक्षण मंत्रालयाचे आभार मानतो.

छत्तीसगड: सुकमा जिल्ह्यातील जगरगुंडा पीएस हद्दीतील सिल्गर आणि टेकुलागुडेम दरम्यान नक्षलवाद्यांनी पेरलेल्या IED स्फोटात CRPF CoBRA 201 बटालियनचे 2 जवान शहीद झाले: पोलीस

पुणे जिल्ह्यातील यवत गावातील सहजपूर फाट्याजवळ राज्य परिवहन बस झाडावर आदळल्याने 20 ते 22 प्रवासी जखमी झाले. २ ते ३ प्रवासी गंभीर जखमी झाले असून त्यांना रुग्णालयात दाखल करण्यात आले आहे:. अशी माहिती नारायण देशमुख, पोलीस निरीक्षक, यवत, पोलीस स्टेशन, पुणे ग्रामीण पोलीस यांनी दिली आहे.

NEET प्रवेश परीक्षेतील कथित पेपर लीकप्रकरणी CBI ने FIR नोंदवली असल्याची माहिती समोर आली आहे.

मनसे अध्यक्ष राज ठाकरे विधानसभा निवडणुकीच्या पार्श्वभूमीवर उद्या मुंबईत बैठक घेणार आहेत. बैठकीला मनसेचे नेते आणि सरचिटणीस उपस्थितीत राहणार आहेत.

रत्नागिरी - दापोली या परिसरात झालेल्या अतिवृष्टीमुळे डोंगरातून येणार्‍या प्रवाहांमुळे रस्ता जवळपास 150 मीटर खोल खचलाय. रस्ता दोन्ही बाजूने वाहतुकीस बंद कण्यात आली आहे.

एस टी बसची पादचाऱ्याला धडक बसल्याने ४० वर्षीय पादचाऱ्याचा जागीच मृत्यु झाल्याची घटना सकाळी सव्वा नऊ वाजण्याच्या सुमारास वाघोलीत पुणे नगर महामार्गावर एस बी आय बँकेसमोर समोर घडली. राजगुरुनगर ते पैठण ही बस होती.

कोकण आपत्ती सौम्यीकरण प्रकल्पांतर्गत वसई तालुक्यासह पालघर जिल्ह्यातील तब्बल 11 धूपप्रतिबंधक बंधाऱ्यांची कामे लवकरच मार्गी लागणार आहेत. या कामांसाठी अंदाजित 70 कोटींचा निधी मंजूर झालेला आहे. मात्र निवडणुकीनिमित्ताने लागलेल्या आचारसंहितेमुळे या कामाची निविदा प्रक्रिया प्रलंबित आहे, अशी माहिती पालघर जिल्हाधिकारी आपत्ती व्यवस्थाप प्राधिकरणाकडून देण्यात आली आहे.

छत्रपती संभाजीनगर जिल्ह्यातील माळीवाडगाव येथे शनिवारी संध्याकाळी ढगफुटी सदृश्य पाऊस झाला. या पावसामुळे नदी-नाले तुडुंब भरून वाहत असून सगळीकडे पाणीच पाणी झालं. शेतात पावसाचं पाणी शिरल्याने बंधारे फुटून पिके वाहून गेली आहेत. त्यामुळे शेतकऱ्यांचं मोठं नुकसान झालं आहे.

जम्मू-काश्मीरमधील उरी सेक्टरमध्ये झालेल्या चकमकीत भारतीय सुरक्षा दलांनी दोन दहशतवाद्यांचा खात्मा केला आहे. नियंत्रण रेषेजवळ दोन दहशतवाद्यांचे मृतदेहही सापडले आहेत. अजूनही चकमक सुरूच आहे. सूत्रांनी दिलेल्या माहितीनुसार, उत्तर काश्मीरमधील उरी सेक्टरमधील गोहलन भागात नियंत्रण रेषेवर लष्कराच्या जवानांना संशयास्पद हालचाली दिसल्या. आव्हान दिल्यावर दहशतवाद्यांनी गोळीबार सुरू केला, ज्याला लष्कराच्या जवानांनीही प्रत्युत्तर दिले.

महाराष्ट्राचे आराध्यदैवत असलेल्या पंढरपूरच्या विठ्ठल रुक्मिणी मंदिराला सातशे वर्षापूर्वीचे मुळ रूप देण्याचे काम सुरू असून विठ्ठल आणि रूक्मिणीच्या गाभाऱ्याचे काम पूर्ण झाले आहे. याच नव्या रुपातील विठ्ठल मंदिरात येत्या 17 जुलै रोजी मुख्यमंत्री एकनाथ शिंदे यांच्या हस्ते आषाढीची शासकीय महापूजा होणार आहे.

बीडच्या धारूर येथील एसबीआय बँकेचे एटीएम मशीन 4 चोरांनी अवघ्या 2 मिनिटात काढत, पिकअपला बांधून पळवल्याची घटना काल शनिवारी घडली होती. तर ही एटीएम मशीन पळवून घेऊन जातानाचे दृश्य सीसीटीव्ही कॅमेऱ्यात देखील कैद झाले होते.

देहूमध्ये मागील काही दिवसांपासून चोरीचे सत्र सुरू झाले आहे. मागील आठ दिवसात देहूगाव मध्ये आठ ते दहा चोरीच्या घटना घडल्या आहेत. मुख्य चौकातील अनेक दुकाने आतापर्यंत चोरट्यांनी फोडली असून यात लाखो रुपयांचा ऐवज चोरी करण्यात आला आहे. मात्र एका मोबाईल शॉपी मध्ये चोरी करताना चोर सीसीटीव्ही कॅमेऱ्यात कैद झाले आहेत.

Manoj Jarange Patil: मुस्लीम, ब्राह्मण यांच्याही कुणबी नोंदी आढळल्या आहेत, असं मनोज जरांगे यांनी पत्रकार परिषदेत सांगितलं.

Mumbai: मुंबईच्या काही भागात मुसळधार पावसाने थैमान घातले आहे.

माझी प्रकृती आता बरी आहे. काळजी करण्याचे कारण नाही. आज दुपारी १२ वाजता अंतरवाली सराटी येथे जाणार आहे. सरकार नोंदी नाकारू शकत नाही. हैदराबाद संस्थानमध्ये नोंदी आढळल्या आहेत, असं मनोज जरांगे म्हणाले.

शरद पवार यांची भेट घेण्यासाठी खासदार ओमराजे निंबाळकर हे पुण्यातील मोदीबागेत दाखल झाले आहेत. यावेळी विधानसभेच्या निवडणुकीसंदर्भात चर्चा होण्याची शक्यता आहे.

संभाजीनगर अंगुरीबाज येथे दोन गटात राडा पाहायला मिळाला आहे. गाडीला कट लागल्यामुळे दोन घट भिडले आहेत. यात चार जण जखमी झाले आहेत. त्यांच्यावर घाटी रुग्णालयात उपचार सुरु आहेत.

कल्याणमध्ये अजित पवार गटाकडून मेळाव्याचं आयोजन करण्यात आले आहे. मेळाव्याला शिंदे गटाचे श्रीकांत शिंदे हे देखील उपस्थित राहण्याची शक्यता आहे.

सोमवारी मुंबईत महाविकास आघाडीची बैठक बोलावण्यात आली आहे. बैठकीमध्ये जागा वाटपासंबंधात चर्चा होण्याची शक्यता आहे. शरद पवार यांनी यासंदर्भात अहवाल मागितला असल्याची माहिती आहे.

मुंबई लोकलच्या तिन्ही मार्गावर आज मेगाब्लॉक घेण्यात आला आहे. विविध कामांसाठी हा मेगाब्लॉक घेण्यात आल्याची माहिती आहे. याकाळात काही विशेष रेल्वेगाड्या सुरू असतील.

राज्यातील विविध ठिकाणी आज पावसाची शक्यता व्यक्त करण्यात आली आहे. कोल्हापूर-सांगलीमध्ये येलो अलर्ट जारी करण्यात आलाय, तर सिंधुदुर्गला रेड अलर्ट जारी करण्यात आला आहे.