नवी दिल्ली - राजधानी दिल्लीत कोरोना संसर्गाचे वाढते रुग्ण पाहता लॉकडाउनची अंमलबजावणी कठोरतेने करावी आणि तसे निर्देश सरकारला द्यावे, अशी मागणी करणारी जनहित याचिका आज दिल्ली उच्च न्यायालयात दाखल करण्यात आली.
जनहित याचिका दिल्लीतील वकील अर्निबन मोंडाल आणि त्यांचे कर्मचारी पवन कुमार यांनी दाखल केली आहे. जूनच्या अखेरपर्यंत राजधानीत सुमारे एक लाख कोविड-१० चे रुग्ण असतील. जुलैच्या दुसऱ्या आठवड्यापर्यंत ही संख्या २.२५ लाखांवर, तर जुलैच्या शेवटपर्यंत रुग्णांचा आकडा ५.५ लाखांपर्यंत पोचेल, अशी दिल्ली सरकारने भीती व्यक्त केली आहे. अशा स्थितीत सरकारने लॉकडाउनचे कडक पालन करण्याबाबत विचार करायला हवा. ॲड. मृदुल चक्रवर्ती यांच्यामार्फत दाखल याचिकेत म्हटले की, राजधानीत कोरोनाचा प्रसार रोखण्यासाठी ब्लू प्रिंट तयार करावी आणि त्यासाठी डॉक्टर, तज्ज्ञ आणि व्हायरोलॉजिस्ट यांची विशेष समिती नेमण्याबाबत दिल्ली सरकारला आदेश द्यावेत.
पहिल्या लॉकडाउनच्या काळात रुग्णांची संख्या कमी होती. त्यामुळे आताही लॉकडाउनचे पालन कठोरतेने करायला हवे, असेही याचिकेत म्हटले आहे. सार्वजनिक परिवहन, धार्मिक स्थळ, मॉल, रेस्टॉरंट, सुरू केल्याने नागरिकांची रस्त्यावर गर्दी वाढू लागली आहे. परिणामी, संसर्ग पसरत असून, कोविड-१९ च्या रुग्णात भर पडत आहे. याशिवाय कोविड-१९ चा मुकाबला करण्यासाठी दिल्लीत पुरेशा प्रमाणात खाटा, अतिदक्षता विभाग, चाचणीची कमतरता आहे. त्यामुळे रुग्णांची संख्या वाढल्यास स्थिती हाताबाहेर जाऊ शकते. अशा वेळी दिल्लीतील आरोग्य यंत्रणा कोलमडू शकते, असेही याचिकेत म्हटले आहे.
पुण्याच्या बातम्या वाचण्यासाठी येथे क्लिक करा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.