Campaign From Radio: आपण माहितीचा विस्फोट झालेल्या युगात वावरत आहोत. १९९१ च्या जागतिकीकरणानंतर तर विज्ञान व तंत्रज्ञानातील संशोधनाने जगभरातील मानवी जीवन आणखी दिवसेंदिवस सुखकारक होत चालले आहे. विविध भौतिक साधनांची रेलचेल सर्वमाणसांच्या आजूबाजूल आहे. ही साधने त्याच्या दिमतीला अहोरात्र सज्ज आहेत. मात्र भारतात १९५१-५२ साली झालेली पहिली निवडणूक अत्यंत कमी व अपुर्या साधनसंपत्तीत पार पडली.
आज समाजमाध्यमे, वृत्तवाहिन्या, दूरचित्रवाहिन्या, यूट्यूब चॅनेल्स आदींनी आपले भावविश्व जखडून ठेवलेल्या जमान्यात आपल्याला त्याकाळच्या प्रचार माध्यमांची फारशी माहिती नसेल. त्याकाळी आपल्या राजकीय पक्षांनी त्यांचा प्रचार कसा केला असेल, याविषयीची उत्सकता नक्कीच असेल.
अत्याधुनिकतेशी कायम फटकून वागणार्या डाव्या पक्षांनी पहिल्या निवडणुकीत आपला प्रचार चक्क मास्को रेडिओवरून केला होता, हे वाचून आपणास आश्चर्य वाटेल. स्वातंत्र्यानंतरच्या पहिल्या निवडणुकीत काँग्रेसचा जोरदार गाजावाजा होता. विरोधकांचा मागमूसही कुठे दिसायचा नाही. प्रमुख विरोधी पक्ष असलेल्या भारतीय कम्युनिस्ट पक्षाकडेही प्रचाराची वाणवा होती.
त्यांच्या साम्यवादी विचारसरणीचे प्रमुख केंद्र असलेल्या रशियातही साम्यवादी विचारांची राजवट होती. त्यामुळे भाकपने आपल्या पक्षाचा निवडणूक प्रचार थेट मास्को रेडिओवरून केला. तो ताश्कंदमधील त्यांच्या केंद्रावरून भारतातील लगतच्या प्रदेशात प्रसारित करण्यात आला. अशारितीने भारतीय निवडणुकीत रेडिओवरून प्रचार करण्याची संधी मिळणारा भाकप हा पहिला राजकीय पक्ष ठरला. त्यावेळी आपल्या देशात असलेल्या ऑल इंडिया रेडिओवरून राजकीय पक्षांना प्रचार करण्याची मुभा नव्हती. त्यामुळे बहुतेक सर्व राजकीय पक्षांनी घराघरात जाऊन प्रचार करण्यास प्राधान्य दिले
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
