Jagan Mohan Reddy: आंध्र प्रदेशच्या मुख्यमंत्र्यांच्या प्रचार यात्रेवर विजयवाडा येथे दगडफेक, जगन मोहन रेड्डी जखमी

हैदराबाद : आंध्रप्रदेशचे मुख्यमंत्री जगनमोहन रेड्डी यांच्या प्रचार यात्रेवर विजयवाडा येथे आज सायंकाळी अज्ञातांनी दगडफेक केल्याने त्यांना दुखापत झाली होती. माथेफिरूने फेकलेला एक दगड रेड्डी यांच्या कपाळावर लागल्याने त्यांच्या डाव्या डोळ्याच्यावर दुखापत झाली होती.

हा घाव खोलवर असल्याने टाकेही द्यावे लागू शकतात अशी माहिती सूत्रांनी दिली. या हल्ल्यामागे तेलुगू देसम पक्षाचा हात असल्याचा आरोप वायएसआर काँग्रेसकडून करण्यात आला आहे. या दगडफेकीत जखमी झाल्यानंतरही रेड्डी यांनी तातडीने प्राथमिक उपचार घेत आपली यात्रा सुरूच ठेवण्याचा निर्णय घेतला.