कोलकताः एकेकाळी पश्चिम बंगालमध्ये कामाच्या ठिकाणी संगणकाच्या वापराला विरोध करणारा माकप आता लोकसभा निवडणुकीसाठी कृत्रिम बुद्धिमत्तेचा (एआय) वापर करत आहे. नवीन तंत्रज्ञानाच्या बाबतीत पक्षात हा टोकाचा बदल झाला आहे.
माकप नेते सामिक लाहिरी यांनी ‘पीटीआय’शी बोलताना सांगितले, की पक्षाने प्रचारमोहिमेशी संबंधित बातम्या आणि लोकांच्या हिताच्या तसेच इतर बाबी प्रसारित करण्यासाठी कृत्रिम बुद्धिमत्तेवर आधारित ‘समता’ या पात्राची निर्मिती केली आहे.
लोकांचे म्हणणे मांडण्यासाठी आम्ही कृत्रिम बुद्धिमत्तेचा वापर करत आहोत. पश्चिम बंगालमध्ये माकपच्या सोशल मीडिया हँडल्सचे समता सादरकर्ता असून बंगाली भाषेनंतर लवकरच ते हिंदी आणि इंग्रजीमध्येही उपलब्ध होईल, असेही माकपच्या मध्यवर्ती समितीचे सदस्य असलेल्या लाहिरी यांनी सांगितले. पक्षाच्या या नवीन प्रकल्पावर ते काम करत आहेत.
साधारणत: १९८० च्या उत्तरार्धात आणि १९९० च्या पूर्वार्धात दशकात भारतात कामाच्या ठिकाणी संगणकीकरण होऊ लागले असताना माकप आधुनिकतेच्या विरोधात असल्याचा आरोप पक्षाच्या राजकीय विरोधकांकडून करण्यात आला होता. मात्र, माकपविरुद्ध आखलेली ही दुर्भावनापूर्ण मोहीम होती. माकपने कधीही संगणकीकरणाला विरोध केलेला नाही, असेही लाहिरी यांनी स्पष्ट केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
