निवडणूक म्हटलं की हारजित आलीच. चुरशीच्या लढतीत विजयी उमेदवार अगदी काठावर जिंकतो, काहींवर तर पराभवाबरोबरच अनामत रक्कमही गमावण्याची नामुष्की येते. आयोगाच्या माहितीनुसार, देशातील ५४३ मतदारसंघात एकूण ८३६० उमेदवार मैदानात होते आणि त्यापैकी ७१९३ (८६.१७ टक्के) उमेदवारांनी अनामत रक्कम गमावली आहे.
एखाद्या विधानसभा मतदारसंघात दोन लाख मतदान होत असेल तर उमेदवाराला आपली अनामत रक्कम वाचविण्यासाठी किमान एकूण मतदानाच्या एक शष्टमांश म्हणजेच ३३,३३२ मते मिळणे आवश्‍यक आहे.
पहिल्या लोकसभेत १९५१-५२ च्या निवडणुकीत ४० टक्के उमेदवारांनी आपली अनामत रक्कम गमावली होती. तसेच २०१९ च्या निवडणुकीत ८६ टक्के उमेदवारांनी अनामत रक्कमेवर पाणी सोडले होते, असे निवडणूक आयोगाच्या निवेदनात म्हटले आहे.
२५ हजार रुपये - लोकसभेसाठी अनामत रक्कम
१० हजार रुपये - विधानसभेसाठी अनामत रक्कम
१२,५०० रुपये - अनुसूचित जाती आणि अनुसूचित जमाती प्रवर्गातील उमेदवारांसाठी अनामत रक्कम
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.