नवी दिल्लीः काँग्रेसच्या सर्वोच्च नेत्या सोनिया गांधी तेलंगणामधून लोकसभेची निडणूक लढवण्याची शक्यता आहे. तेलंगणाचे मुख्यमंत्री रेवंत रेड्डी यांनी याबाबत माहिती दिली.
प्रियंका गांधी ह्या रायबरेली मतदारसंघातून लोकसभेची निवडणूक लढवणार असल्याची माहिती आहे. तर सोनिया गांधी ह्या तेलंगणमधून निवडणुकीला सामोऱ्या जातील. मात्र नेमक्या कोणत्या मतदारसंघातून त्या निवडणूक लढवतील, हे स्पष्ट झालेलं नाही.
सोनिया गांधी यांनी १९९९ च्या लोकसभा निवडणुकीत कर्नाटकातील बळ्ळारी येथून भाजपच्या दिवंगत नेत्या दिवंगत सुषमा स्वराज यांचा पराभव केला होता. त्यामुळे सोनिया गांधी कर्नाटकमधून राज्यसभेची निवडणूक लढवतील, अशी शक्यता व्यक्त होत आहे.
''सोनिया गांधी आगामी लोकसभा निवडणूक लढवणार नाहीत आणि त्यांना कर्नाटकमधून राज्यसभेची जागा दिली जाऊ शकते, ही सर्व माहिती खोटी आहे.. अशी कोणतीही चर्चा झालेली नाही.'' असं कर्नाटकचे मुख्यमंत्री डीके शिवकुमार यांनी स्पष्टीकरण दिलं.
दुसरीकडे तेलंगणाचे मुख्यमंत्री रेवंत रेड्डी यांनी मात्र सोनिया गांधी तेलंगणामधून लोकसभेची निवडणूक लढवू शकतात, असं विधान केलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
