जयपूर (राजस्थान): प्रेमी युगुलाला नग्न केल्यानंतर त्यांना जनावरासारखे एका खुंटीला बांधण्यात आले. नग्नावस्थेत रात्रभर मारहाण करण्यात आली. शिवाय, त्यांची छायाचित्रेही व्हायरल केली. पोलिसांनी दुसऱया दिवशी त्यांची सुटका केली.
पोलिसांनी दिलेल्या माहितीनुसार, एक विवाहीत महिला आपल्या तीन महिन्यांच्या मुलाला सोबत घेऊन प्रियकरासोबत पळून गेली होती. सहा महिन्यानंतर त्यांना कपासन येथे पकडण्यात आले. दोघांना नग्न करून एका खुंटीला बांधले होते. रात्रभर त्यांना नग्नावस्थेतच मारहाण केली जात होती. शिवाय, दोघांची नग्नावस्थेतील छायाचित्रे काढली जात होती. दुसऱया दिवशी दुपारी याबाबतची माहिती समजल्यानंतर पोलिसांनी सुटका केली. याप्रकरणी चार जणांना अटक करण्यात आली असून, पुढील तपास सुरू आहे.
महिलेने सांगितले की, आम्हाला नग्न करून बांधण्यात आले होते. दोघांनाही रात्रभर बेदम मारहाण केली जात होती. अनेकजण मोबाईलमध्ये छायाचित्रे काढत होते. आम्हाला पाहण्यासाठी संपूर्ण वस्तीवरील नागरिक जमा झाले होते. परंतु, कोणीच सुटका केली नाही. दुसऱया दिवशी पोलिसांनी सुटका केली. पती, सासू, सासऱयांवर गुन्हा दाखल केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.