फतेहपूर (उत्तर प्रदेश): पत्नीने घरी नवरा नसल्यामुळे प्रियकराला बोलावून घेतले. मध्यरात्री अचानक नवरा आला आणि दोघांना नको त्या अवस्थेत पकडले. पत्नी आणि प्रियकराने मिळून पतीची हत्या केली. पोलिसांनी तपासानंतर दोघांना अटक केली.
पोलिसांनी दिलेल्या माहितीनुसार, चांदपूर गावामध्ये ही घटना घडली आहे. यशवंतलाल सिंह (वय 36) असे खून झालेल्या व्यक्तीचे नाव आहे. यशवंतलाल यांचे गावामध्ये घर आहे. शेती करून ते नोकरी करत होते. यशवंतलाल यांच्या पहिल्या पत्नीचे निधन झाले होते. यामुळे 2015 मध्ये प्रतीक्षा नावाच्या महिलेशी दुसरा विवाह केला होता. प्रतिक्षाचे दुसऱया व्यक्तीसोबत प्रेमसंबंध होते. यशवंतलाल कामानिमित्त बाहेर गेले की ती प्रियकराला बोलवत असे. यशवंतलाल कामानिमित्त बाहेर गेल्यामुळे प्रतिक्षाने प्रियकराला घरी बोलावले. परंतु, यशवंतलाल मध्यरात्री घरी परतला. दोघांना नको त्या अवस्थेत पकडल्यानंतर दोघांनी मिळून यशवंतलालचा गळा कापून हत्या केली. या घटनेनंतर प्रियकर पळून गेला. मध्यरात्री प्रतिक्षा जोरजोरात रडू लागली. यामुळे शेजारी धावत आले. यावेळी चोरांनी खून केल्याचे तिने सांगितले. पोलिसांनी तपास सुरू केल्यानंतर प्रतिक्षा अडकली. अखेर तिने प्रियकराच्या मदतीने हत्या केल्याचे सांगितले.
दरम्यान, प्रतिक्षा आणि प्रियकर संग्राम सिंगला अटक करण्यात आली. दोघांनी अनेक वर्षांपासून प्रेमसंबंध असल्याचे मान्य केले. याबाबत पुढील तपास सुरू असल्याचे पोलिसांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.