पाटणाच्या पोलिस अधीक्षकांनी पत्र लिहून आरोपीला अटक करण्यात मदत मागितली होती.
लखनौ : पॉप्युलर फ्रंट ऑफ इंडियाचा (Popular Front of India PFI) सक्रिय सदस्य नुरुद्दीन जंगी (Nooruddin Jangi) उर्फ वकील नुरुद्दीन याला एटीएस (ATS) आणि बिहार पोलिसांच्या (Bihar Police) संयुक्त पथकानं आलमबाग येथून अटक केलीय. नुरुद्दीन आणि त्याचे सहकारी बिहारमध्ये पंतप्रधानांच्या (Narendra Modi) प्रस्तावित दौऱ्याच्या कार्यक्रमात अडथळा आणण्याच्या तयारीत होते. त्यासाठी त्यांना प्रशिक्षणही दिलं जात होतं.
एडीजी एटीएस नवीन अरोरा यांनी सांगितलं की, पाटणाच्या पोलिस (Patna Police) अधीक्षकांनी पत्र लिहून आरोपीला अटक करण्यात मदत मागितली होती. बिहार पोलिसांचं एक पथक लखनौला आलं होतं. पथकानं आरोपींची माहिती शेअर केली. यानंतर एटीएसनं नुरुद्दीनला आलमबागमधील मवैया रेल्वे स्थानकाजवळून ताब्यात घेतलं. नुरुद्दीन चारबाग इथं राहत होता.
चौकशीदरम्यान आरोपीनं सांगितलं की, 2015 मध्ये तो पीएफआय दरभंगा जिल्हा अध्यक्ष सनाउल्लाहच्या संपर्कात आला होता. त्यानंतर तो पीएफआय आणि एसडीपीआयमध्ये सामील झाला आणि तेव्हापासून नुरुद्दीन सक्रिय सदस्य आहे. 2020 मध्ये नुरुद्दीननं SDPI च्या बॅनरखाली दरभंगा विधानसभा मतदारसंघातून निवडणूकही लढवली होती. त्यानंतर आरोपीला सहाशे मतं मिळाली. आरोपीनं सांगितलं की, त्यानं 2017 मध्ये सीएम लाॅ कॉलेज, दरभंगा येथून एलएलबीची पदवी घेतली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
