निवडणुकीत काँग्रेसला केवळ दोन जागा मिळाल्या आहेत.
Madhya Pradesh Civil Election : मध्य प्रदेशच्या नागरी निवडणुकांकडं 2023 च्या विधानसभा निवडणुकीची (Assembly Election) सेमीफायनल म्हणून पाहिलं जात आहे. मात्र, असं असताना निवडणुकीचे निकाल काँग्रेससाठी धक्कादायक ठरत आहेत. कारण, पक्षातील बड्या नेत्यांच्या बालेकिल्ल्यातच काँग्रेसला (Congress) पराभवाला सामोरं जावं लागतंय.
माजी मुख्यमंत्री आणि काँग्रेसचे ज्येष्ठ नेते दिग्विजय सिंह (Congress leader Digvijay Singh) यांचा बालेकिल्ला असलेली नगर परिषद चंचोडा (Chanchoda Nagar Parishad) भाजपनं (BJP) काबीज केलीय. चांचोडामध्ये भाजपला सहा, तर चारवर अपक्ष उमेदवार विजयी झाले आहेत. तर, दुसरीकडं काँग्रेसला केवळ दोन जागा मिळाल्या आहेत. दिग्विजय सिंह चंचोडा इथं तिसऱ्या क्रमांकावर राहिल्याने पक्षश्रेष्ठींचा तणाव वाढलाय.
आज मध्य प्रदेशातील 214 शहरी संस्थांमध्ये मतमोजणी सुरूय. दुसऱ्या टप्प्यात मतदान झालेल्या 5 महानगरपालिका, 40 नगरपालिका आणि 169 नगरपरिषदांच्या मतमोजणीला सकाळी 9 वाजता सुरुवात झाली. याआधी 17 जून रोजी पहिल्या टप्प्यातील निकालांमध्ये भारतीय जनता पक्षानं झेंडा फडकवला होता. मात्र, त्यांना महापालिकेतील 4 महापौरपदं गमवावी लागली. छिंदवाडा, ग्वाल्हेर आणि जबलपूरमध्ये काँग्रेस तर सिंगरौलीमध्ये आम आदमी पार्टीनं बाजी मारलीय.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
