सागर जिल्ह्यातील शाहपूरमध्ये घराची भिंत कोसळून 9 मुलांचा मृत्यू झाला आहे. यात आणखी आठ ते दहा मुले जखमी झाली असून, त्यांना उपचारासाठी सागर जिल्हा रुग्णालयात दाखल करण्यात आले आहे.
शाजापूर येथील हरदौल मंदिरात शिवलिंगाचे अवशेष बांधले जात होते. दरम्यान, मंदिर परिसराजवळ असलेल्या घराची भिंत अचानक कोसळली. या भिंतीखाली अनेक मुले गाडली गेली. यातील नऊ जणांचा मृत्यू झाला, तर अनेक जखमी असून त्यांच्यावर उपचार सुरू आहेत.
अपघातात प्राण गमावलेल्या आणि जखमी झालेल्या मुलांचे वय 10 ते 14 वर्षांच्या दरम्यान आहे. मुख्यमंत्री मोहन यादव यांनी मृतांच्या कुटुंबीयांना प्रत्येकी चार लाख रुपयांची भरपाई जाहीर केली आहे.
घराची भिंत कोसळल्याने हा अपघात झाला. ही भिंत 50 वर्षांची होती. भिंतीच्या बाहेरील बाजूस प्लास्टर नव्हते. अशा स्थितीत पावसाच्या पाण्याने भिंत कमकुवत होत राहिल्याने ही दुर्घटना घडली.
दुर्घटनेनंतर बुलडोझरच्या साह्याने पडलेल्या भिंतीचा ढिगारा हटवण्यात आला असून, पुढील कोणतीही दुर्घटना घडू नये म्हणून उर्वरित भिंतही पाडण्यात आली आहे.
भिंत कोसळल्याने ढिगाऱ्याखाली दबून 9 मुलांचा मृत्यू झाल्याची माहिती सागरचे जिल्हाधिकारी दीपक आर्य यांनी दिली. काही मुले जखमी झाली असून त्यांच्यावर उपचार सुरू आहेत.
मीडिया रिपोर्ट्सनुसार, हरदौल बाबा मंदिरात काही बांधकाम सुरू होते. तेथे धार्मिक कार्यक्रमही आयोजित करण्यात आला होता.
मंदिर परिसरात अनेकांची उपस्थिती होती. त्यानंतर हा अपघात झाला. मंदिराची भिंत कोसळल्याने मुले ढिगाऱ्याखाली गाडली गेली.
स्थानिक लोकांनी भिंतीखालून मुलांना बाहेर काढले आणि रुग्णालयात नेले. तोपर्यंत अनेक मुलांचा मृत्यू झाला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
