Maharashtra Breaking News: दिवसभरातील महत्त्वाच्या घडामोडी वाचा एका क्लिकवर...

भाजपचे महाराष्ट्र प्रभारी भूपेंद्र यादव उद्या मुंबईत असणार आहेत. महाराष्ट्र भाजपचे अध्यक्ष चंद्रशेखर बावनकुळे यांच्या उपस्थितीत प्रधेश कार्यालयात विभागीय बैठका होणार आहेत..आगामी विधानसभा निवडणुकीच्या तोंडावर रवी लांडगे हे शिवसेना ठाकरे गटात प्रवेश करत आहेत. रवी लांडगे भाजपचे आणि जनसंघाचे निष्ठावंत कार्यकर्ते राहिले आहेत. . पोर्शे कारच्या सुटकेचा निकाल २८ ऑगस्ट रोजी होणार आहे. अपघातातील कार परत मिळण्यासाठी अग्रवाल कुटुंबीयांनी बाल न्याय मंडळात अर्ज केला आहे. .MIM च्या प्रेस कॉन्फरन्स मध्ये राडा झाला आहे. मुंबई प्रदेशाध्यक्षपद बदलण्यावरून इथं चर्चा झाली. मुंबई प्रदेश अध्यक्ष बदलला आणि त्यावरून राडा झाल्याची माहिती मिळतेय. या पत्रकार परिषदेत प्रदेशाध्यक्ष इम्तियाज जलील देखील उपस्थित होते. मुंबई अध्यक्ष फैयाज अहमद यांना पक्षानं पदावरून हटवलं आहे. फैयाज यांच्या समर्थकांनी प्रेस कॉन्फरन्समध्ये राडा केला. .जुन्या सांगवीत वाहनांची तोडफोड करणाऱ्या गावगुंडाची पोलिासंनी काढली धिंड. साठफुटी रोड परिसरात गाव गुंडाची पोलिसांनी धिड काढली आहे. नागरिकांना त्रास देणाऱ्यांवर असा लाजीरवाणा प्रसंग ओढवू शकतो हे यातून पोलिसांनी दाखवून दिलं आहे. .उपमुख्यमंत्री देवेंद्र फडणवीस यांच्या वक्तव्यावर प्रतिक्रिया देत मुख्यमंत्री एकनाथ शिंदे म्हणाले, 'त्यांच्या म्हणण्यामध्ये तथ्य आहे. आरक्षण देताना आम्ही तिघे एकत्र बसलो प्रत्येक मीटिंग मध्ये देवेंद्र जी होते...त्यांची मोलाची भूमिका होती. विरोधी पक्षाने विरोध केला त्यांनी सहकार्य करायला हवंय. मराठा समजाला विरोध करत आहे चुकीचं आहे.'.शिवसेना ठाकरे गटाच्या खासदार प्रियंका चतुर्वेदी यांचं राष्ट्रपतींना पत्रमहाराष्ट्र शक्ती फौजदारी (महाराष्ट्र सुधारणा) कायदा 2020 कायद्याला मंजुरी देण्याची केली विनंती तत्कालीन उद्धव ठाकरे यांच्या नेतृत्वाखाली असलेल्या सरकारने महाराष्ट्र विधानसभेत मंजूर केला होता कायदारक्षाबंधनच्या निमित्ताने राज्यातील आणि देशातील महिलांना दिलेली ही सर्वात योग्य भेट असेलचतुर्वेदी यांनी पत्रातून व्यक्त केल्या भावना.धर्मवीर छत्रपती संभाजीराजे शौर्य प्रतिष्ठानच्या महिला प्रदेशाध्यक्ष राजश्री ताई राठोड मौजे कोरडेवाडी ता.केज जी.बीड येथे साठवण तलावाच्या प्रश्नासंदर्भात मागील 10 दिवसांपासून आमरण उपोषण करत होत्या.उपोषणकर्त्या ताई आणि समस्त गावकऱ्यांसोबत मा.देवेंद्रजी फडणवीस साहेबांनी भ्रमणध्वनीद्वारे संवाद साधला आणि प्रश्न मार्गी लावण्यासाठी तातडीने सूचना केल्या.मा.देवेंद्रजी फडणवीस साहेब आणि गावकऱ्यांच्या विनंतीला मान देत उपोषण मागे घेतले त्याबद्दल आभार!कोरडेवाडी गावकऱ्यांनी लोकसभेला मतदानवर १००% बहिष्कार टाकला होता२३०० मतदार होते. .तुमच्या खात्यात पैसे तुमच्या सहीशिवाय येणार नाहीत. १५०० चे २००० करू ३००० करू.१५०० मध्ये पण गरिबाला फायदा होतो.आम्ही पण काटकसर करून आलो.कोणत्याही मुलीने उच्च शिक्षणासाठी आत्महत्या करता कामा नये.लेक लाडकी योजना ज्यात पैसे मिळतात.थोडे पैसे मिळाल्यावर १८ व्या वर्षी तिच्या खात्यात १ लाख जमा होणार,असे मुख्यमंत्री एकनाथ शिंदे म्हणाले..चार राज्यातील विधानसभा निवडणुकीसाठी कॉंग्रेसच्या स्क्रिनिंग कमिटीची बैठक होणार आहे.स्क्रिनिंग कमिटीचे सदस्य सायंकाळी 6.30 वाजता काँग्रेस अध्यक्ष मल्लिकार्जुन खर्गे आणि राहुल गांधींना भेटणार आहेत.महाराष्ट्र स्क्रिनिंग कमिटीचे अध्यक्ष मधुसूदन मिस्त्री यांच्यासह इतर सदस्य देखील उपस्थित राहणार आहेत. निवडणुकीच्या अनुषंगाने महत्वाची चर्चा होणार आहे..आज मातोश्री निवासस्थानी पक्षप्रमुख उद्धव ठाकरे ह्यांना रक्षाबंधननिमित्त सोलापूर, पुणे, परभणी, अकलूज येथील महिला भगिनींनी राखी बांधून आजचा दिवस साजरा केला.ही राखी विश्वासाची, प्रेमाची असून राज्यातील प्रत्येक माताभगिनींच्या पाठीशी ‘कुटुंबप्रमुख’ भाऊराया सदैव उभा आहे, हा विश्वास उद्धव ठाकरे यांनी ह्यावेळी व्यक्त केला..पिंपरी चिंचवडमधील मोशी परिसरात इंद्रायणी नदीत दोघांचा बुडून मृत्यू झाला असून अग्निशमन विभागाकडून शोध मोहीम सुरू आहे..कोल्हापुरात मुख्यमंत्र्यांच्या लाडक्या बहिणींनी अनोख्या पद्धतीने रक्षाबंधन सोहळा साजरा केलाय. रक्षाबंधनाच्या निमित्ताने मुख्यमंत्र्यांच्या कटआऊटला लाडक्या बहिणींनी राखी बांधली आहे. शिवसेनेचे नेते राज्य नियोजन मंडळाचे कार्यकारी अध्यक्ष राजेश क्षीरसागर यांच्या पुढाकारातून शिवसेनेच्या कार्यालयात लाभार्थी महिलांनी मुख्यमंत्र्यांच्या कट आउटला राखी बांधलीय. मुख्यमंत्री लाडकी बहीण योजनेअंतर्गत 3 हजार रुपये लाभार्थी महिलांच्या खात्यावर जमा झाल्यानंतर महिलांनी आनंदात यावर्षीचा रक्षाबंधन सोहळा साजरा केला..खंबाटकी घाटात ट्रकच्या खाली येऊन दुचाकीस्वाराचा मृत्यू झाला आहे. ओमकार संतोष मराठे ( वय ३० ) रा . बालेघर ता . वाई असे या युवकाचे नाव आहे..कोलकात्याच्या आरजी कार रुग्णालयातील प्रशिक्षणार्थी डॉक्टरच्या बलात्कार आणि हत्येप्रकरणी डॉक्टरांनी मुंबईच्या आझाद मैदानावर आंदोलन केले..आरजी कार मेडिकल कॉलेज आणि हॉस्पिटलचे माजी प्राचार्य संदिप घोष महिला डॉक्टर बलात्कार आणि हत्या प्रकरणाच्या सुरू असलेल्या तपासासंदर्भात सीबीआय कार्यालयात दाखल झाले..महाराष्ट्र आणि झारखंडमध्ये निवडणुका पुढे ढकलण्यात आल्या आहेत. कारण त्यांना (भाजप) हेमंत सोरेन यांना मुख्यमंत्रिपदावरून हटवायचे आहे. त्यांचा पक्ष तोडायचा आहे आणि झारखंडमध्ये अस्थिरता आणायची आहे. निवडणुका पुढे ढकलण्यात आल्या आहेत. कारण त्यांना वेळ हवा आहे. चंपाय सोरेन यांनी जे सांगितले तेच महाराष्ट्रात आणि झारखंडमध्ये बाजी मारण्याची भीती आहे. योजना... निवडणूक आयोग संविधानाच्या विरोधात काम करत आहे आणि दबावाखाली आहे, असं संजय राऊत यांनी सांगितले आहे. . केंद्रीय मंत्री प्रताप जाधव यांचे पुतणे योगेश जाधव यांनी शरद पवारांची भेट घेतल्याने राजकीय वर्तुळात चर्चा सुरू झाल्या आहेत. या भेटीमुळे काका पुतण्याचा आणखी एक अंक राजकारणातून पाहायला मिळणार असं बोललं जात आहे. आगामी विधानसभेसाठी योगेश जाधव यांच्याकडून मोर्चे बांधणी सुरू आहे. ते शरद पवार गटाकडून इच्छुक असल्याने भेट घेतल्याचे सांगितले जात आहे. . आज अजित पवार गटाची जन सन्मान यात्रा मुंबईत आहे. यादरम्यान जन सन्मान यात्रेच्या मार्गावर झिशान सिद्दीकी यांनी बॅनरबाजी केली आहे. इतकेच नाही तर काँग्रेस आमदार झिशान सिद्दीकी बाईक रॅलीत सहभागी होणार असल्याची माहिती मिळत आहे. झिशान सिद्दीकी राष्ट्रवादीच्या वाटेवर असल्याची चर्चा सध्या सुरू आहे. .अरुणाचल प्रदेश विधानसभेनंतर अजित पवार यांचा राष्ट्रवादी काँग्रेस पक्ष जम्मू काश्मीर विधानसभेची निवडणूक लढवणार आहे. जम्मू काश्मीरमध्ये जवळपास 25 जागांवर उमेदवार उभे करण्यात येणार आहेत. यासोबतच 10 ते 15 उमेदवारांची नाव जवळपास निश्चित झाल्याची माहिती समोर आली आहे. पुढील महिन्यात जम्मू काश्मीरमधे 3 टप्प्यात निवडणूक होत असून 4 ऑक्टोबर रोजी मतमोजणी होणार आहे. .पुण्यात संभाजी ब्रिगेडचा लोकशाही जागर महामेळावा होणार आहे. विधानसभा निवडणुकीच्या पार्श्वभूमीवर हा मेळावा होणार आहे. मेळाव्याला राज्यातील संभाजी ब्रिगेडचे पदाधिकारी आणि कार्यकर्ते उपस्थित राहतील.सध्या संभाजी ब्रिगेडची उद्धव बाळासाहेब ठाकरे पक्षाशी युती आहे. विधानसभा निवडणुकीसाठी संभाजी ब्रिगेडचे उमेदवार स्वतः निवडणुकीच्या मैदानात असण्याची शक्यता आहे. २३ ऑगस्टला बालगंधर्वला मेळावा होणार आहे..कोथरुड विधानसभा मतदारसंघातील आर्थिक दृष्ट्या दुर्बल कुटुंबातील रुग्णांसाठी विविध प्रकारचे उपक्रम राबविले जात आहेत. विधानसभा मतदारसंघातील सफाई कर्मचारी भगिनींनी याचा आवर्जून लाभ घ्यावा असे आवाहन नामदार चंद्रकांतदादा पाटील यांनी केले. तसेच, सफाई काम करणाऱ्या महिला भगिनींसाठी भाऊबीज योजनेची देखील घोषणा यावेळी नामदार पाटील यांनी केली. रक्षाबंधन सणाचे औचित्य साधून नामदार चंद्रकांतदादा पाटील यांच्या संकल्पनेतून कोथरुड विधानसभा मतदारसंघात पुणे महापालिकेच्या महिला सफाई कर्मचारी भगिनींसाठी विशेष कार्यक्रमाचे आयोजन करण्यात आले होते. या कार्यक्रमात ते बोलत होते. सफाई कर्मचारी हे आपले खऱ्या अर्थाने रक्षक आहेत. कोविड काळात त्यांनी आपल्या जीवाची पर्वा न करता रस्त्यावर उतरून काम केले. आणि आपला परिसर स्वच्छ आणि सुंदर ठेवला. त्यामुळे त्यांचे आरोग्य आपणा सर्वांसाठी अतिशय महत्त्वाचे आहे. कोथरूड विधानसभा मतदारसंघातील महिला सफाई कर्मचाऱ्यांचे आरोग्य उत्तम राहिले पाहिजे. त्यासाठी फिरत्या दवाखान्याच्या माध्यमातून आरोग्य तपासणी शिबिर सातत्याने सुरू असते. त्याचा सफाई महिला कर्मचाऱ्यांनी लाभ घेऊन आपली आरोग्य तपासणी करुन घ्यावी असे आवाहन केले..कोलकत्ता डॉक्टर लैंगिक अत्याचार आणि खून प्रकरण तापलं आहे. या पार्श्वभूमीवर पश्चिम बंगालचे राज्यपाल आज दिल्ली दौऱ्यावर आहेत. पश्चिम बंगालचे राज्यपाल सीवी आनंद बोस आज अमित शहा यांना भेटणार आहेत.भाजपचे राष्ट्रीय अध्यक्ष जे पी नड्डा यांचीही बोस भेट घेणार आहेत. कोलकत्ता प्रकरणी राज्यपाल शहा आणि नड्डा यांना माहिती देणार आहेत. पश्चिम बंगाल मधील घटनेनंतर भाजपने आक्रमक पवित्रा घेतला असून देशभरात निषेध आंदोलन सुरू आहे..स्वातंत्र्यवीर सावरकर यांच्याविषयी वादग्रस्त वक्तव्य केल्याप्रकरणी काँग्रेस नेते राहुल गांधी यांना येथील प्रथमवर्ग न्यायदंडाधिकाऱ्यांनी सोमवारी (ता.१९) न्यायालयात हजर राहून आपले म्हणणे मांडण्याचा आदेश दिला आहे. या आदेशाच्या पूर्ततेसाठी राहुल गांधी न्यायालयात हजर राहून आपले म्हणणे मांडणार का, याविषयी उत्सुकता आहे. समन्स मिळाल्यानंतरही ते गैरहजर राहिल्यास त्यांच्याविरोधात अटक वॉरंट निघू शकते. .सकाळ+ चे सदस्य व्हा ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Maharashtra Breaking News: दिवसभरातील महत्त्वाच्या घडामोडी वाचा एका क्लिकवर...

भूपेंद्र यादव उद्या मुंबईत, प्रदेश कार्यालयात बैठक

Related Stories