नवी दिल्ली : संसदेच्या सुरक्षा भंग प्रकरणातील सहाव्या आरोपीला शनिवारी अटक करण्यात आली आहे. दिल्ली पोलिसांनी ही कारवाई केली असून त्याला दिल्लीच्या पटियाला हाऊस कोर्टात हजर केलं जाणार आहे. कोर्टात त्याला पोलीस कोठडी मिळावी यासाठी पोलिसांचा प्रयत्न असणार आहे. (Mahesh Kumawat sixth accused in Parliament security breach case arrested by Delhi Police)
कोण आहे हा तरुण?
महेश कुमावत असं या अटक केलेल्या तरुणाचं नाव असून तो राजस्थानच्या नागाव जिल्ह्यातील रहिवासी आहे. तो १३ डिसेंबर रोजी दिल्लीत आला होता. याच दिवशी लोकसभेत दोन तरुणांनी व्हिजिटर गॅलरीतून खाली उडी घेत स्मोक कॅनिस्टर उडवली होते. यामुळं संसदेच्या सुरक्षेवर मोठं प्रश्नचिन्ह उपस्थित झालं होतं. यामुळं देशभरात मोठा धक्का बसला होता. (Latest Marathi News)
चार जणांचे मोबाईल नष्ट केले
महेश हा या कटातील एक प्रमुख आरोपी असल्याचं पोलिसांचं म्हणणं आहे. या घटनेनंतर ललित झा हा तरुण दिल्लीतून पळून जाण्यात यशस्वी ठरला आहे. महेशनं ललितच्या मदतीनं इतर चार आरोपींचे मोबाईल फोन उद्ध्वस्त केले होते. (Marathi Tajya Batmya)
ललित आणि महेश हे दोघेही दिल्ली पोलिसांकडं गुरुवारी स्वतःहून हजर झाले होते. यामध्ये ललितला शुक्रवारी अटक दाखवण्यात आली असून आज महेश कुमावत याला अटक करण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
