नवी दिल्ली - अमेरिकन डॉलरच्या तुलनेत भारतीय रुपयाच्या सातत्याने होत असलेल्या घसरणीवरून काँग्रेसचे नवनिर्वाचित अध्यक्ष मल्लिकार्जुन खरगे यांनी बुधवारी मोदी सरकारवर जोरदार टीका केली. घसरलेला रुपया आपल्या अर्थव्यवस्थेसाठी अत्यंत धोकादायक ठरू शकतो, असंही ते म्हणाले.
अर्थमंत्री निर्मला सीतारामन म्हणाल्या होत्या की, रुपया कमकुवत होत नाहीये, डॉलर मजबूत होत आहे. त्यांच्या या वक्तव्याचा समाचार घेताना खरगे म्हणाले की, केवळ घोषणा आणि वक्तव्य करून चालणार नाही, केंद्र सरकारला रुपयाची घसरण रोखण्यासाठी लवकर ठोस पावले उचलावी लागतील.
खरगे यांनीही आपल्या ट्विटमध्ये अर्थमंत्री निर्मला सीतारामन यांच्यावर निशाणा साधत म्हटले की, आता केवळ वक्तव्ये चालणार नाहीत. अर्थमंत्री सीतारामन यांनी 16 ऑक्टोबर रोजी म्हटलं होतं की, इतर चलनांपेक्षा रुपयाने चांगली कामगिरी केली आहे. डॉलर मजबूत झाल्यामुळे हे झाले आहे. 'रुपयातील घसरण म्हणून आपण याकडे पाहात नसून डॉलरची सततची मजबूती म्हणून पाहतोय. अर्थमंत्र्यांनी आपल्या अमेरिका दौऱ्यादरम्यान पत्रकार परिषदेत हे विधान केलं होतं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
