कोलकाता : दंगल कधी हिंदू, मुसलमान आणि शीख करत नाहीत. ते तर काही लालची नेते करतात. त्यांचे डोके कचऱ्याने भरलेले असते. ती आग लावतात. हा लोकांचा दोष नाही. कारण जी लोकांना उकसवतात ती दोषी आहेत, अशी टीका पश्चिम बंगालच्या मुख्यमंत्री ममता बॅनर्जी (Mamata Banerjee) यांनी भाजप (BJP) नेत्यांवर केली. त्या कोलकात्यात बोलत होत्या. मी नमाज पठण करते असे अनेक जण माझ्याविषयी बोलतात. (Mamata Banerjee Attack On BJP Leaders For Riots In Across The Country)
मी नमाज पठण करत नाही. मी इफ्तारमध्ये जाते, जेथे सर्व धर्मातील लोक मिळून जातात. त्याने काही अडचण होतेय का? मी जेव्हा दुर्गापूजेसाठी जाते तेव्हा कोणीच काही बोलत नाही. आपल्या देशात सर्वधर्माचे लोक राहतात, असे ममता बॅनर्जी म्हणाल्या.
.
मी जैन मंदिरातही जाते, तर यात काय चुकीचे आहे. तुम्ही जेव्हा एक धर्म मानता, तेव्हा त्याचा अर्थ असा नाही की दुसऱ्या धर्माला शिव्या द्याव्यात, बॅनर्जी या उत्तर २४ परगणा येथे बोलत होत्या. बुधवारी ममता बॅनर्जी यांनी विरोधी पक्षांची बैठक दिल्लीत बोलवली होती. या प्रसंगी आगामी राष्ट्रपती निवडणुकीवर चर्चा करण्यात आली. यावेळी देशातील १७ राजकीय पक्षांचे नेते उपस्थित होते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
