Manipur Violence: मणिपूरमधील महिलांना विवस्त्र करुन त्यांची धिंड काढण्यात आल्याचा व्हिडिओ समोर आल्यानं देशभरातून संतापाची लाट उसळली होती. या प्रकरणावर कुस्ती महासंघाचे माजी अध्यक्ष आणि खासदार बृजभूषण सिंह यांनी प्रतिक्रिया दिली आहे. (Manipur Violence Brij bhushan Singh reacts to Manipur viral video)
बृजभूषण सिंह म्हणाले, "स्वतंत्र भारतात ही खूपच दुःखद घटना घडली आहे. पंतप्रधान मोदींनी याची दखल घेतली असून तुम्ही त्यांचं विधान ऐकलंच असेल. तरी देखील घटना घडली आहे, पण ती निंदनीय आहे" (Marathi Tajya Batmya)
दरम्यान, बृजभूषण सिंह हे देखील गेल्या काही महिन्यांपासून वादाच्या भोवऱ्यात अडकले आहेत. ऑलिम्पिक विजेत्या कुस्तीपटू महिलांनी त्यांच्यावर लैंगिक शोषणाचे आरोप केले असून सुप्रीम कोर्टाच्या आदेशानंतर त्यांच्यावर एफआयआर दाखल करण्यात आला आहे. नुकताच त्यांना अटकपूर्व जामीन मंजूर झाला आहे. (Latest Marathi News)
मणिपूरच्या घटनेपूर्वी बृजभूषण सिंह यांच्यावरील आरोपांची देशात मोठी चर्चा होती. अनेकदा आंदोलनं करुन ही पंतप्रधानांनी याची दखल घेतली नसल्यानं तसेच अल्पवयीन मुलीनंही त्यांच्यावर आरोप केलेले असतानाही पोलिसांकडून दखल घेतली जात नव्हती. शेवटी पीडितांनी सुप्रीम कोर्टात धाव घेतल्यानंतर या प्रकरणात एफआयआर दाखल करण्यात आली होती.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
