Manipur Violence : केंद्र सरकार एवढं बेशरमपणे कसकाय वागू शकतं? यशोमती ठाकूर संतापल्या

मुंबई : मणिपूरमधील महिलांची विवस्त्र धिंड काढल्याच्या घटनेमुळे देश हादरला आहे. महिलांवर झालेल्या अत्याचाराचा व्हिडिओ देखील सोशल मीडियावर व्हायरल झाला आहे. या व्हिडीओमुळे तिथली कायदा-सुव्यवस्था अक्षरशः उद्ध्वस्त झाल्याचे स्पष्ट झालं आहे. यावरून काँग्रेसचे आमदार आणि माजी मंत्री यशोमती ठाकूर यांनी संतप्त प्रतिक्रिया दिली आहे. (Manipur Violence)

यशोमती ठाकूर म्हणाल्या की, मणिपूरमध्ये जे घडलं ते अत्यंत वेदनादायी आहे. मागील 77 दिवसांपासून सर्वकाही लपून ठेवलं गेलं आहे. केंद्र आणि राज्य सरकार बेशरम आहे. हे हैवणांचे राज्य आहे. पंतप्रधान मोदी दोन महिने बोलले नाहीत, ते आज निर्लज्जासारखे बोलले. जेव्हा महिलांवर अत्यावर झाले, तेव्हा महाभारत झालं हे लक्षात ठेवावं. आता सत्ताधाऱ्यांनी खुर्च्या खाली केल्या पाहिजेत, अशी मागणी ठाकूर यांनी केली.

महिला अत्याचाराचा व्हिडीओ व्हायरल झाल्यानंतर अशा अनेक घटना इथं घडल्या आहेत, अशी धक्कादायक कबुली मणिपूरचे मुख्यमंत्री बिरेन सिंह यांनी दिली आहे. अर्थात मुख्यमंत्र्यांनीच अशी कबुली दिल्यामुळे मणिपूरमध्ये किती भीषण परिस्थिती निर्माण झाली, याचा अंदाज येऊ शकतो.