गुवाहाटी- आसाममधून एक महत्त्वाची घडामोड समोर आली आहे. एका अल्पवयीन मुलीवर सामूहिक बलात्कार केल्याच्या प्रकरणातील आरोपीचा पोलीस कोठडीत मृत्यू झाला आहे. आसामच्या नागोन जिल्ह्यातील ही घटना आहे. पोलिसांनी सांगितल्यानुसार, आरोपी पळून जाण्याचा प्रयत्न करत होता. यावेळी त्याचा तलावात पडून मृत्यू झाला आहे.
तफझूल इस्लाम असं मृत आरोपीचं नाव आहे. त्याच्यासह अन्य दोघांनी एका १४ वर्षीय मुलीवर सामूहिक बलात्कार केला होता. याप्रकरणी अद्याप फक्त एकाच आरोपीला पकडण्यात आले होते. त्याच्यावर नव्या भारतीय नागरिक सुरक्षा संहिता कायद्यानुसार आणि पोस्को अंतर्गत गुन्हा दाखल करण्यात आला होता.
