झारखंडमध्ये लवकरच विधानसभा निवडणुका होणार आहेत. निवडणुकीच्या पार्श्वभूमीवर अभिनेते आणि भाजप नेते मिथुन चक्रवर्ती मंगळवारी भाजप उमेदवाराच्या समर्थनार्थ जाहीर सभेला संबोधित करण्यासाठी धनबाद जिल्ह्यातील निरसा विधानसभा मतदारसंघात पोहोचले होते. मात्र जाहीर सभेला संबोधित करताना त्यांना वेगळ्याच डोकेदुखीला सामोरे जावे लागले. चोरट्यांनी चक्क मिथुन चक्रवर्तींचाच खिसा कापला. भाजप नेत्यांनी आवाहन करुनही त्यांचे पाकिट परत करण्यात आले नाही.
