मिझोराम विद्यापीठाचे प्रोफेसर जे. डोंगेल यांनी निर्वासितांच्या मुद्द्याचा झोरामथांगा यांना फायदा मिळेल, असा दावा केला आहे.
एेजॉल : १९८७ रोजी मिझोरामची (Mizoram Election) निर्मिती झाल्यानंतर या ठिकाणी मिझो नॅशनल फ्रंट (Mizo National Front) किंवा काँग्रेसची (Congress) सत्ता राहिली. मिझोरामधील नवा राजकीय दबाव गट झोरम पीपल्स चळवळीच्या उदयामळे दुहेरी समीकरण निर्माण झाले आहे.
आगामी विधानसभा निवडणुकीत (Assembly Election) प्रमुख मुकाबला मिझो नॅशनल फ्रंट (एमएनएफ), झेडपीएम, कॉंग्रेस आणि भाजप यांच्यात होणार आहे. सध्या एमएनएफचे सरकार असून हा पक्षा सत्ता टिकवून ठेवण्यासाठी प्रयत्न करेल. तत्कालीन पंतप्रधान राजीव गांधी यांच्या प्रमुख उपस्थितीत मिझो शांतता करार केल्यानंतर मिझोराम राज्याची निर्मिती झाली आणि त्यानंतर या पक्षाने तीन वेळेस सत्ता सांभाळली आहे.
त्याचवेळी काँग्रेस चार वेळेस सत्तेत राहिली. राजकीय विश्‍लेषकांच्या मते, झोरामथांगा यांच्या नेतृत्वाखालील पक्षाला राज्यातील प्रमुख योजना, सामाजिक आर्थिक विकास धेारण, (एसईडीपी) नुसार आर्थिक साह्य, म्यानमार, बांगलादेश येथील निर्वासितांना हाताळण्याच्या मुद्दा यावर आघाडी मिळू शकते.
तसेच मणिपूरमधील हिंसाचार आणि त्यामुळे झालेले स्थलांतर या आघाडीवर सरकारने केलेल्या कामाचा मतदारांवर परिणाम हेाऊ शकतो. मिझोराम विद्यापीठाचे प्रोफेसर जे. डोंगेल यांनी निर्वासितांच्या मुद्द्याचा झोरामथांगा यांना फायदा मिळेल, असा दावा केला आहे. विशेषत: मणिपूरच्या नागरिकांना दिलेला आश्रय. झोरामथांगा यांनी चांगल्या रीतीने परिस्थिती हाताळल्याने विरोधकांकडे सध्यातरी कोणताही मुद्दा दिसत नाही.
एकूण जागा
४०
एकूण मतदार
८.५२ लाख
पुरुष मतदान
४.१३ लाख
महिला मतदार
४.३९ लाख
१८- १९ वयोगट
५०.६ हजार
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
