गुजरातचे आमदार जिग्नेश मेवाणी यांना सोमवारी पंतप्रधान नरेंद्र मोदी यांच्यावरील ट्विट केल्याप्रकरणी आसाममधील न्यायालयाने जामीन मंजूर केल्यानंतर त्यांना नव्या प्रकरणात पुन्हा अटक करण्यात आली आहे. एनडीटीव्हीने दिलेल्या वृत्तानुसार, मेवाणी यांना अटक करण्यासाठी आलेल्या आसामच्या बारपेटा येथील पोलिसांनी त्यांना कोणत्या प्रकरणात अटक केली आहे, याचा तपशील उघड केला नाही.
आदल्या दिवशी, मेवाणी यांना कोक्राझार न्यायालयाने पंतप्रधान मोदींविरोधात केलेल्या ट्विटशी संबंधित प्रकरणात जामीन मंजूर केला होता. नंतर, सुनावणीनंतर मेवाणीला कोक्राझार तुरुंगात परत नेण्यात आले आणि त्यांच्या वकिलांनी सांगितले की ते जामीन बाँडशी संबंधित औपचारिकता पुर्ण करत आहेत.
आसामच्या कोक्राझार येथील स्थानिक भाजप नेत्याने त्याच्याविरोधात तक्रार दाखल केल्यानंतर मेवाणी यांना 19 एप्रिल रोजी गुजरातमधील पालनपूर शहरातून अटक करण्यात आली होती, त्यानंतर कोक्राझार पोलिस ठाण्यात त्यांच्या ट्विटबद्दल एफआयआर दाखल करण्यात आला होता, ज्यात त्यांनी पंतप्रधान नरेंद्र मोदी हे गोडसेला देव मानतात असे म्हटले होते.
आमदार मेवाणी यांना ट्रान्झिट रिमांडवर कोक्राझार येथे आणण्यात आले आणि 21 एप्रिल रोजी कोक्राझारच्या मुख्य न्यायदंडाधिकाऱ्यांनी तीन दिवसांची पोलिस कोठडी सुनावली. त्याच्या अटकेनंतर, मेवाणी यांनी "पीएमओ (पंतप्रधान कार्यालय) चे सूडाचे राजकारण असल्याचे म्हटले होते. तसेच हे भाजप आणि आरएसएसचे षड्यंत्र आहे. माझी प्रतिमा डागाळण्यासाठी त्यांनी हे केले. ते हे पद्धतशीरपणे करत आहेत. त्यांनी रोहित वेमुलासोबत केले, चंद्रशेखर आझाद यांच्यासोबत केले, आता ते मला लक्ष्य करत आहेत, असेही ते म्हणाले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
