![Mohan Charan Majhi to be the new CM of Odisha](http://media.assettype.com/esakal%2F2024-06%2F06015138-fa76-4e3b-b1c1-3e41eafa86e5%2FBJP_MLA_Mohan_Charan_Majhi_to_be_the_new_CM_of_Odisha.jpg?w=480&auto=format%2Ccompress&fit=max)
ओडिशात पहिल्यांदाच सत्तेत आलेल्या भाजपने मोहन चरण माझी यांची राज्याचे नवे मुख्यमंत्री म्हणून घोषणा करण्यात आली आहे. मंगळवारी झालेल्या भाजप विधीमंडळ पक्षाच्या बैठकीनंतर माझी यांच्या नावाला मंजुरी देण्यात आली.
भाजप हायकमांडने दोन केंद्रीय मंत्री राजनाथ सिंह आणि भूपेंद्र यादव यांची ओडिशासाठी निरीक्षक म्हणून नियुक्ती केली होती.
मोहन चरण माझी यांचा जन्म 1972 मध्ये ओडिशातील केओंझार जिल्ह्यातील रायकलान येथे झाला. प्राथमिक शिक्षण घेतल्यानंतर त्यांचा राजकीय प्रवास सरपंच म्हणून सुरू झाला.
यानंतर त्यांनी हळूहळू राजकारणात प्रवेश केला आणि भारतीय जनता पक्षाचे काम सुरू केला. हळुहळू त्यांची ओडिशातील भाजपचे दिग्गज आदिवासी नेते म्हणून गणना होऊ लागली.
मोहन चरण माझी 2000 साली पहिल्यांदा आमदार झाले. ते ORV कायद्यांतर्गत एससी आणि एसटीच्या स्थायी समितीचे सदस्यही होते.
यापूर्वी त्यांनी 1997 ते 2000 पर्यंत सरपंच म्हणून काम पाहिले होते. मोहन माझी हे त्यांच्या जनसेवा आणि संघटनात्मक कौशल्यासाठी ओळखले जातात. केंद्रीय मंत्री राजनाथ सिंह यांनीही माझी यांचे एक तरुण आणि कार्यक्षम कार्यकर्ता म्हणून वर्णन केले आहे.
2000 मध्ये माझी केओंझार विधानसभा मतदारसंघातून भाजपचे उमेदवार म्हणून विजयी झाले.
2009 मध्ये भाजपने पुन्हा एकदा मोहन चरण माझा यांच्यावर विश्वास दाखवत उमेदवारी दिली आणि दुसऱ्यांदा जिंकले. पुढे 2019 मध्येही मांझी याच मतदारसंघातून विजयी झाले.
मोहन चरण माझी 2024 मध्ये चौथ्यांदा केओंझर विधानसभेतून विजयी झाले आहेत. यावेळी निवडणुकीत मोहन चरण माझी यांना एकूण 87815 मते मिळाली आणि त्यांनी बिजू जनता दलाच्या प्रतिस्पर्धी मीना माझी यांचा 11577 मतांच्या मोठ्या फरकाने पराभव केला.
निवडणूक आयोगाला दिलेल्या प्रतिज्ञापत्रानुसार, माझी आणि त्यांच्या कुटुंबाची एकूण चल-अचल संपत्ती 1.97 कोटी रुपये आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.