संपूर्ण अंदमान निकोबार बेटांसह बंगालच्या उपसागराच्या आणखी काही भागांत मोसमी वाऱ्यांनी (मॉन्सून) मंगळवारी मजल मारली. यंदा सर्वसाधारण वेळेच्या दोन दिवस अगोदरच (ता. १९ मे) दक्षिण बंगालचा उपसागर, निकोबार बेटे आणि दक्षिण अंदमान समुद्रात मॉन्सून दाखल झाला.
त्यानंतर मॉन्सूनची वाटचाल थांबली होती. संपूर्ण अंदमान, निकोबार बेटसमूह आणि अंदमान समुद्रासह पूर्व-मध्य बंगालच्या उपसागराच्या काही भागांत मंगळवारी मॉन्सून दाखल झाल्याचे हवामान विभागातर्फे सांगण्यात आले.
अरबी समुद्रातील आगमनास पोषक हवामान होत असून, दोन दिवसांत मालदीव आणि कोमोरीन भागांत मॉन्सून दाखल होण्याचे संकेत हवामान विभागाने दिले आहेत. तसेच अरबी समुद्रातही मॉन्सूनच्या आगमनाचे संकेत आहेत. मॉन्सून यंदा चार जूनपर्यंत केरळात दाखल होण्याचा अंदाज हवामान विभागाने यापूर्वीच वर्तविला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
