आई आणि मुलाचं नातं हे जगातील सर्वात घट्ट नातं मानलं जातं, मात्र बिजनौरच्या हीमपूर पोलीस स्टेशन हद्दीतील जलालपूर हसना गावात एका आईने आपल्या 4 वर्षाच्या मुलाची एवढ्या दुर्दैवी पद्धतीने हत्या केली. या घटनेने सर्वांना धक्का बसला आहे. पोलीस या संपूर्ण प्रकरणाचा तपास करत आहेत. पोलिसांनी चौकशी केली असता आरोपी आईने सांगितले की, तिची आई तिला स्वप्नात आली होती आणि तिने असे करण्यास सांगितले होते, मात्र डॉक्टर आईला मानसिक तणावाखाली असल्याचे सांगत आहेत.
अमर उजाला या वृत्तसंस्थेने दिलेल्या वृत्तानुसार आदेश देवी या महिलेने आपल्या निरागस मुलाला हर्षला मारण्यासाठी अनेक प्रयत्न केले. चौकशीदरम्यान महिलेने सांगितले की, तिच्या स्वप्नात आई आली होती जिने तिला तसे करण्यास सांगितले. ही संपूर्ण घटना घरात फक्त महिला आणि तिचे मूल असताना घडले आहे. तिचा नवरा शेतात गेला होता आणि आजी-आजोबाही बाहेर होते.
प्रथम महिलेने मुलाच्या मानेवर फावडे मारले, त्याच्या मानेवर वर्तुळाकार जखमा होत्या, त्यानंतर तिने त्याला तव्यावर ठेवून चटके देण्याचा प्रयत्न केला. नंतर तिने मुलाला बाहेर ठेवलेल्या लाकडात पेटवून दिले. पतीने घरी येऊन मुलाची विचारपूस केली असता महिला काहीच बोलली नाही मात्र जळत्या लाकडांजवळ मूल पडलेले पाहून पतीला धक्काच बसला. मुलाला तात्काळ रुग्णालयात नेले असता डॉक्टरांनी त्याला मृत घोषीत केले.
मिळालेल्या माहितीनुसार, महिलेच्या भावाने सांगितले की, ती मानसिक रुग्ण आहे आणि तिच्यावर एक वर्षाहून अधिक काळ उपचार सुरू होते. मात्र, तिच्या पतीच्या म्हणण्यानुसार, घटनेच्या दिवशी सकाळपासून ती बरी होती आणि तिने जेवणही बनवले होते. पण असे अचानक काय झाले याचा कोणालाच अंदाज येत नाही. सध्या महिलेला पोलिसांनी ताब्यात घेतले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
