सूरी (पश्चिम बंगाल) : घरामध्ये लग्नाची तयारी सुरू असताना जवान सीमेवर हुतात्मा झाला. राजेश ओरंग (वय 20) असे हुतात्मा झालेल्या जवानाचे नाव. माझ्या मुलाने देशाची सेवा केली आणि देशासाठी बलिदान दिले, अशी भावना वीर पुत्राचे वडील सुभाष ओरंग यांनी व्यक्त केली.
भारत-चीन सैनिकांमध्ये झालेल्या झटापटीमध्ये राजेश हुतात्मा झाले आहेत. बेल्जोरिया या गावातील एका शेतकऱ्याच्या घरात त्यांचा जन्म झाला. लहानपणापासून त्यांना देशसेवेची आवड होती. 2015 मध्ये ते सैन्यात दाखल झाले होते. गलवान खोऱ्यात चिनी सैनिकांसोबत झालेल्या चकमकीत 20 जवान हुतात्मा झाले आहेत. यामध्ये राजेश यांचा समावेश आहे. पाच दशकांत चीनबरोबरची ही सर्वात मोठी लष्करी चकमक आहे.
सुभाष ओरंग यांनी सांगितले की, 'लष्कराच्या अधिकाऱ्यांनी मंगळवारी संध्याकाळी राजेशच्या मृत्यूची माहिती दिली. घरामध्ये दुःखद वातावरण आहे. पण, माझ्या मुलाने देशाची सेवा केली आणि देशासाठी बलिदान दिले, याचा आम्हाला अभिमान आहे. राजेश काही महिन्यांपूर्वी सुट्टीवर आला होता. घरामध्ये त्याच्या लग्नाची तयारी सुरू असताना वीरमरण आल्याची माहिती समजली.'
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.