BJP MP Janardan Mishra News : मध्य प्रदेशातील रीवाचे खासदार जनार्दन मिश्रा यांचा एक व्हिडिओ सोशल मीडियावर मोठ्या प्रमाणात व्हायरल होत आहे. ज्यामध्ये ते अस्वच्छ शौचालय साफ करताना दिसत आहेत. स्वतः खासदारानींच हा व्हिडिओ सोशल मीडियावर शेअर केला असून, त्यावर लोक वेगवेगळ्या पद्धतीने कमेंट करत आहेत. सोशल मीडियावर हा व्हिडिओ व्हायरल झाल्यानंतर भजपमध्ये खळबळ उडाली आहे.
याबाबत अधिक माहिती अशी की, खासदार जनार्दन मिश्रा पीएम मोदी यांच्या वाढदिवसानिमित्त मौगंज विधानसभा मतदारसंघातील हनुमाना येथील खातखरी युवा मंडळाकडून आयोजित वृक्षारोपण कार्यक्रमात सहभागी होण्यासाठी गेले होते. यावेळी शाळेची पाहणी करताना त्यांना शाळेतील स्वच्छतागृह अस्वच्छ असल्याचे निदर्शनास आले. ते पाहता मिश्रा यांनी क्षणाचाही विलंब न करता हे शौचालय स्वच्छ करण्यास सुरूवात केली.
स्वच्छता करताचा हा व्हिडिओ स्वतः सोशल मीडियावर टाकला असून, त्यावर अनेकांनी प्रतिक्रिया दिली असून, सध्या हा व्हिडिओ चर्चेचा विषय ठरला आहे. मिश्रा यांनी अशा प्रकारे शौचालय स्वतः स्वच्छ केल्याचा पहिल्यांदा घडलेले नसून, त्यांनी याआधीही अनेकदा शौचालये स्वच्छ करून नागरिकांना स्वच्छतेचा संदेश दिला आहे. 2014 मध्ये मिश्रा यांना स्वच्छतेचे ब्रँड अॅम्बेसेडर बनवण्यात आले होते. स्वच्छ भारत मिशन अंतर्गत मिश्रा अनेकदा स्वच्छता राखण्यासाठी प्रयत्न करत असतात.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
