नवी दिल्ली - कथित कौशल्य विकास महामंडळ घोटाळा प्रकरणी अटक करण्यात आलेले तेलगू देसम पक्षाचे प्रमुख एन चंद्राबाबू नायडू यांनी चौकशीदरम्यान सहकार्य केले नाही, असे गुन्हे अन्वेषण विभागाने (सीआयडी) म्हटले आहे.
प्रश्नांची अस्पष्ट उत्तरे देताना त्यांनी काही गोष्टी आठवत नसल्याचे सांगितले. नायडू यांना एका कथित भ्रष्टाचार प्रकरणात अटक करण्यात आल्यानंतर रविवारी सकाळी कडेकोट बंदोबस्तात लाचलुचपत प्रतिबंधक ब्युरो (ACB) न्यायालयात हजर करण्यात आले.
नायडू यांच्या न्यायालयीन कोठडीची मागणी करताना, रिमांड अहवालात म्हटले की, आंध्र प्रदेशच्या माजी मुख्यमंत्र्यांना नांद्याल येथून विजयवाडा येथे नेण्यासाठी अधिकाऱ्यांनी हेलिकॉप्टरची व्यवस्था केली होती. परंतु विरोधी पक्षनेते नायडू यांनी ते वापरण्यास नकार दिला होता.
पोलिसांच्या अहवालात म्हटले की कार्यकर्त्यांनी अनेकवेळा ताफा थांबवला होती. त्यामुळे कायदा सुव्यवस्थेचा प्रश्न उपस्थित झाला होता. नायडू यांना फाईल नोटसंदर्भात प्रश्न विचारण्यात आले होते. परंतु त्यांनी प्रश्नांची उत्तरे देताना सहकार्य केले नाही. तसेच अस्पष्ट उत्तरे दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
