वाराणसी - पंतप्रधान नरेंद्र मोदी यांनी वाराणसी मतदारसंघात प्रचारापोटी २४.०३ लाख रुपये खर्च केल्याचे उघड झाले असून त्याचे प्रतिस्पर्धी काँग्रेसचे उमेदवार अजय राय यांनी १४.८२ लाख रुपये खर्च केले. राय यांनी २०१४ च्या तुलनेत कमी खर्च केला, मात्र यावेळी मतांची टक्केवारी वाढली आहे. तसेच गोसेवा व संरक्षण या मुद्यावर लढणारे युग तुलसी पक्षाचे उमेदवार कोली शेट्टी यांनी १ लाख ९८ हजार ८२ रुपये खर्च करत ५७५० मते मिळवली.
उत्तर प्रदेशच्या हायप्रोफाईल वाराणसी लोकसभा मतदारसंघातून सलग तिसऱ्यांदा विजय मिळवणारे पंतप्रधान नरेंद्र मोदी आणि काँग्रेसचे नेते अजय राय यांचा प्रचारातील खर्च उघड झाला आहे. निवडणूक आयोगाकडे पक्षाकडून सादर केलेल्या खर्चानुसार, पंतप्रधान नरेंद्र मोदी यांनी प्रचारात २४ लाख ३ हजार ९२२ रुपये खर्च केले.
त्याचवेळी अजय राय यांनी प्रचारासाठी १४ लाख ८२ हजार ५०३ रुपये खर्च केले. पंतप्रधानांनी प्रचारावर अधिक खर्च केला असला तरी विजयाचे अंतर बरेच कमी झाले आहे. अजय राय यांनी खर्चात म्हणाले, ‘ज्या सायकलवरून अर्ज भरण्यासाठी आलो, ती भाड्याची होती. त्याचाही खर्च जोडला आहे.’
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.