परीक्षा केंद्रात अल्पवयीन मुलींना अंडरवेअर काढण्यास भाग पाडण्यात आल्यानं मोठा वाद निर्माण झाला होता.
तिरुअनंतपुरम : केरळमध्ये परीक्षेपूर्वी (NEET Medical Exam Centre in Kerala) मुलींची तपासणी करण्याच्या नावाखाली त्यांना अंडरवेअर काढण्यास भाग पाडल्याची घटना समोर आली. वैद्यकीय प्रवेशासाठी रविवारी देशभरात घेण्यात आलेल्या राष्ट्रीय पात्रता परीक्षेला (NEET) बसलेल्या एका विद्यार्थिनीनं आरोप केलाय की, 'तिला परीक्षा केंद्रावर इनरवेअर काढण्यास सांगण्यात आलं होतं.'
परीक्षा केंद्रावर विद्यार्थिनीसोबत झालेल्या या असभ्य वर्तनामुळं पालक संतप्त झाले असतानाच, मुलीला प्रचंड मानसिक छळातून जावं लागलं होतं. सोमवारी मुलीच्या वडिलांनी पोलिसांत तक्रार दाखल केली. काही विद्यार्थ्यांनी याविरोधात निदर्शनंही केली होती. दरम्यान, केरळमधील NEET वैद्यकीय परीक्षा केंद्रात (National Testing Association) अल्पवयीन मुलींना अंडरवेअर काढण्यास भाग पाडण्यात आल्यानं मोठा वाद निर्माण झाला होता. नॅशनल टेस्टिंग असोसिएशननं (एनटीए) सांगितलं की, त्या मुलींसाठी NEET परीक्षा पुन्हा आयोजित करण्यात येईल, असं स्पष्ट केलंय.
मुलींना 4 सप्टेंबर रोजी परीक्षा देण्याचा पर्याय देण्यात आलाय. एनटीएनं विद्यार्थ्यांना याची पुष्टी करणारा ईमेलही पाठवला आहे. केरळमधील कोल्लम जिल्ह्यातील राष्ट्रीय पात्रता प्रवेश परीक्षा (NEET) केंद्रात प्रवेश करण्यापूर्वी तरुण मुलींना त्यांचे इनरवेअर काढण्यास सांगण्यात आल्याचं वृत्त समोर आल्यानंतर मोठा वाद निर्माण झाला होता.
जुलैमध्ये एका व्यक्तीनं कोट्टारकरा पोलिसांकडं (Kottarakara Police) तक्रार दाखल केली आणि सांगितलं की, NEET परीक्षार्थींना चथामंगलम (Chathamangalam) परीक्षा केंद्रात प्रवेश देण्यापूर्वी त्यांना ब्रा काढण्यास सांगण्यात आलं होतं. या घटनेबद्दल संताप आणि व्यापक निषेधानंतर, मानवाधिकार आयोगानं कोल्लम ग्रामीण एसपींना या प्रकरणाची चौकशी करून 15 दिवसांत अहवाल सादर करण्याचे निर्देश दिले होते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
