नवी दिल्ली : नवनीत राणांच्या तक्रारीनंतर लोकसभा सचिवालय अॅक्शन मोडमध्ये आलं असून राज्य सरकारला याप्रकरणी २४ तासांत अहवाल सादर करण्याचे आदेश दिले आहेत. लोकसभा अध्यक्ष ओम बिर्ला यांना राणा यांनी ई-मेलद्वारे हक्कभंगाबाबत पत्र लिहिलं होतं. (Navneet Rana letter to Lok Sabha Speaker Order to Maharashtra govt file report)
नवनीत राणा यांना पोलिसांनी अटक केल्यानंतर २३ एप्रिल रोजी पोलीस ठाण्यातच रात्र काढावी लागली. यावेळी त्यांना पिण्यासाठी पाणी दिलं नाही ना वॉशरुमला जाऊ दिलं. तसेच आपण मागासवर्गीय असल्यानं पोलीस कर्मचाऱ्यानं आपल्याला पाणी देण्यास नकार दिला, असा गंभीर आरोप राणा यांनी महाराष्ट्र पोलिसांवर केला. तसेच आपल्याला बेकायदा अटक झाल्याचा दावाही त्यांनी केला.
नवनीत राणा यांच्या या आरोपांची गांभीर्यानं दखल घेत लोकसभेच्या हक्कभंग समितीनं नवनीत राणांच्या कथीत बेकायदा अटकेवर महाराष्ट्र सरकारला २४ तासांत अहवाल सादर करण्याचे आदेश दिले आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.