नवी दिल्ली : राष्ट्रवादी काँग्रेसच्या अजित पवार गटातर्फे राज्यसभा निवडणुकीसाठी एक उमेदवार राहणार आहे. परंतु या निवडणुकीत आपण निवडणूक लढणार नसून आपल्या रायगड मतदारसंघातूनच लोकसभा निवडणुकीच्या मैदानात उतरणार असल्याचे राष्ट्रवादी काँग्रेसचे खासदार सुनील तटकरे यांनी आज स्पष्ट केले.
येत्या २७ फेब्रुवारीला राज्यसभेच्या ६ जागांसाठी निवडणूक होणार आहे. राष्ट्रवादी काँग्रेसच्या अजित पवार गटाकडून खासदार सुनील तटकरे यांना उमेदवारी दिली जाईल व रायगड लोकसभा मतदारसंघ भाजपसाठी सोडला जाईल, अशी चर्चा होती.
या चर्चेला विराम देताना खासदार तटकरे म्हणाले, राज्यसभा निवडणूक लढण्याचा आपला कोणताही विचार नसून रायगड लोकसभा मतदारसंघातूनच निवडणूक लढविणार आहे. या मतदारसंघात आपण विकासाचे काम केले असून या भरवशावर आपण निवडणुकीत नक्कीच विजय संपादन करू, असा विश्वासही त्यांनी व्यक्त केला.
छत्रपती शिवाजी महाराजांच्या जयंतीनिमित्त येत्या १२ फेब्रुवारीपासून राष्ट्रवादी काँग्रेसतर्फे स्वराज्य सप्ताह यात्रा काढली जाणार आहे. येत्या १२ फेब्रुवारीला मुंबईतील गेट वे ऑफ इंडियापासून या यात्रेची सुरूवात होणार आहे.
यावेळी उपमुख्यमंत्री अजित पवार, खासदार प्रफुल्ल पटेल, खासदार सुनील तटकरे उपस्थित राहणार आहेत. ही यात्रा कल्याण, बदलापूर, पुणे, सातारा, प्रतापगडमार्गे येत्या १८ फेब्रुवारीला रायगडावर पोहोचणार आहे. रायगडावर होणाऱ्या समारोपाला मंत्री आदिती तटकरे उपस्थित राहणार आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.