केरळ, तामिळनाडू, आंध्र प्रदेशमध्ये भाजपचं सरकार नाही. कर्नाटकात निवडणूक असून काँग्रेस जिंकेल असा माझा विश्वास आहे.
Karnataka Assembly Election 2023 : कर्नाटक विधानसभा निवडणुकीसाठी जवळपास एक महिना बाकी आहे. अशा स्थितीत निवडणुकीबाबत उत्साहही वाढला आहे.
यंदा काँग्रेसचं (Congress) पुनरागमन होत असल्याचं निवडणुकीपूर्वी समोर आलेल्या सर्वेक्षणात दिसून आलं. आता याच मुद्द्यावर राष्ट्रवादीचे अध्यक्ष शरद पवार (Sharad Pawar) यांनीही कर्नाटकात काँग्रेसच्या विजयाचं भाकीत केलंय.
एनडीटीव्हीला दिलेल्या मुलाखतीत शरद पवारांनी काँग्रेसला ही निवडणूक जिंकण्याची चांगली संधी असल्याचं म्हटलंय. सध्या कर्नाटकात भाजपची सत्ता असून, यावेळीही विजय निश्चित करण्याचा त्यांचा प्रयत्न आहे. राज्यात होत असलेल्या या निवडणुकीकडं पुढील वर्षी होणाऱ्या सार्वत्रिक निवडणुकीच्या दृष्टिकोनातून पाहिलं जाऊ शकत नाही, असं पवारांनी स्पष्ट केलं.
ते म्हणाले, 'केरळ, तामिळनाडू, आंध्र प्रदेशमध्ये भाजपचं सरकार नाही. कर्नाटकात निवडणूक असून काँग्रेस जिंकेल असा माझा विश्वास आहे. मध्य प्रदेशात काँग्रेसचं सरकार होतं आणि कमलनाथ मुख्यमंत्री होते. मात्र, आमदार फुटले आणि नंतर भाजपचं सरकार सत्तेत आलं. राजस्थान, दिल्ली, पंजाब, पश्चिम बंगाल आणि इतर अनेक राज्ये आहेत, तिथंही भाजपचं सरकार नाही.'
2024 मध्ये होणाऱ्या लोकसभा निवडणुकीबाबत शरद पवार म्हणाले, विरोधकांना एकत्र करावं लागेल, अन्यथा भाजपला पराभूत करणं फार कठीण होऊन बसेल. जर आपण एकत्र आलो नाही तर खूप कठीण जाणार आहे, असंही त्यांनी स्पष्ट केलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
