नवी दिल्लीः आम आदमी पक्षाच्या खासदार स्वाती मालीवाल यांना मारहाण झाल्याची घटना मुख्यमंत्री अरविंद केजरीवाल यांच्या निवासस्थानी झाली आहे. या प्रकरणा दिल्ली पोलिसांची एक टीम मुख्यमंत्र्यांच्या निवासस्थानी पोहोचली होती. पोलिसांनी घटनेशी संबंधित संभाव्य पुरावे गोळा केले आहेत.
अतिरिक्त डीसीपी अंजिता चेप्याला, सिव्हील लाईन्स ठाण्याचे एसएचओ यांच्यासह दिल्ली पोलिसांची एक टीम मुख्यमंत्री अरविंद केजरीवाल यांच्या निवासस्थानी दाखल झाली होती. याच प्रकरणात दिल्ली पोलिसांनी शनिवारी मुख्य आरोपी बिभव कुमार याला अटक केली आहे.
दरम्यान, मुख्यमंत्री अरविंद केजरीवाल यांच्या निवासस्थानातून पोलिसांनी सीसीटीव्ही आणि डीव्हीआर जप्त केलं आहे. पोलिसांची टीम याचा तपास करणार असून साहित्य घेऊन पोलिस रवाना झाले आहेत.
मुख्यमंत्री केजरीवाल यांनी भाजप मुख्यालयातला मोर्चा आटोपून निवासस्थानी पोहोचले आहेत. तिकडे पोलिसांनी संपूर्ण परिसरात कलम १४४ लागू केलं होतं. त्यामुळे आपच्या नेत्यांना मुख्यालयापर्यंत पोहोचू दिलं गेलं नाही. त्यामुळे नेते भाजप कार्यालयापासून अंतरावर बसले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
