जयपूर- राजस्थानच्या झालवार जिल्ह्यामध्ये भीषण अपघात झाला आहे. एका ट्रक आणि व्हॅनच्या धडकेत ९ तरुणांचा मृत्यू झाला आहे. मिळालेल्या माहितीनुसार, १० जणांचा ग्रुप मध्य प्रदेशातील एक लग्न सोहळा आटपून राजस्थानमध्ये परतत होता, त्यावेळी हा अपघात झाला आहे. (Nine people died in a road accident Rajasthan Jhalawar district returning from a marriage procession)
पोलिसांनी दिलेल्या माहितीनुसार, तिघांचा जागीच मृत्यू झाला होता. अन्य सहा जणांचा उपचारादरम्यान मृत्यू झाला आहे. अपघातानंतर ट्रक ड्रायव्हर घटनास्थळावरुन पसार झाला होता. त्यानंतर ट्रक ड्रायव्हरला ताब्यात घेण्यात आले आहे. एएनआयने यासंदर्भातील माहिती दिली आहे.
एका भरधाव ट्रकने व्हॅनला धडक दिली. त्यात व्हॅनचा पूर्ण चुराडा झाला आहे. अकलेरा पोलीस स्टेशन अधिकारी संदीप बिश्नोई यांनी सांगितलं की, अकलेराच्या जवळ डूंगर गावाच्या बागरी समाजाचे लोक शनिवारी आपल्या नातेवाईकांच्या लग्नासाठी मध्य प्रदेशात गेले होते. परत गावी परतत असताना त्यांच्या व्हॅनचा अपघात झाला. पोलीस याप्रकरणात अधिक तपास करत आहेत. संबंधितांच्या कुटुंबियांना याची माहिती देण्यात आली आहे. (Accident News)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
