पाटणा : बिहार सरकारच्या संकेतस्थळावर ३१ डिसेंबरला मंत्रिमंडळातील मंत्र्यांच्या संपत्तीची माहिती अपलोड करण्यात आली आहे. त्यावरून आश्चर्यकारक माहिती समोर आली असून बिहारचे मुख्यमंत्री नितीश कुमार (Bihar Son Nitish Kumar) यांचा मुलगा निशांतने बाप से बेटा सवाई असल्याचं दाखवून दिलं आहे. कारण, नितीश यांच्यापेक्षा मुलगा निशांत पाचपट श्रीमंत आहे.
बिहार सरकारच्या वेबसाइटवर अपलोड केलेल्या मुख्यमंत्री आणि त्यांच्या मंत्रिमंडळातील सहकाऱ्यांच्या संपत्तीच्या तपशीलानुसार, बिहारचे मुख्यमंत्री नितीश कुमार यांच्याकडे ७५.३६ लाख रुपयांची मालमत्ता आहे, तर त्यांचा मुलगा निशांत त्यांच्यापेक्षा जवळपास पाचपट श्रीमंत आहे. कुमार यांच्याकडे 29,385 रुपये रोख आणि जवळपास 42,763 रुपये बँकेत जमा आहेत, तर त्यांचा मुलगा निशांतकडे 16,549 रुपये रोख आणि 1.28 कोटी रुपये फिक्स्ड डिपॉझिट (FD) आणि विविध बँकांमध्ये आहेत.
कुमार यांच्याकडे 16.51 लाख रुपयांची जंगम मालमत्ता आहे तर त्यांच्या स्थावर मालमत्तेचे एकूण मूल्य सुमारे 58.85 लाख रुपये आहे. त्यांच्या मुलाकडे 1.63 कोटी रुपयांची जंगम मालमत्ता आहे आणि त्यांच्या स्थावर मालमत्तेची किंमत सुमारे 1.98 कोटी रुपये आहे. मुख्यमंत्र्यांकडे नवी दिल्लीतील द्वारका येथील सहकारी गृहनिर्माण संस्थेत एक निवासी सदनिका आहे, तर त्यांच्या मुलाकडे कल्याण बिघा आणि हकीकतपूर (दोन्ही नालंदा जिल्ह्यातील) आणि पाटणा येथील कंकरबाग येथे शेतजमीन आणि निवासी घरे आहेत.
नितीश कुमार सरकारने यापूर्वी सर्व कॅबिनेट मंत्र्यांना प्रत्येक कॅलेंडर वर्षाच्या शेवटच्या दिवशी त्यांची मालमत्ता जाहीर करणे बंधनकारक केले होते. त्या जाहीरनाम्यानुसार, निशांतकडे त्यांच्या वडिलोपार्जित कल्याण बिघा गावात शेतजमीन आहे. गावात त्यांची शेतजमीनही आहे. मुख्यमंत्र्यांनी 1.45 लाख रुपयांच्या 13 गायी आणि नऊ वासरे असल्याचेही जाहीर केले आहे.
मंत्रिमंडळातील सहकारीही मुख्यमंत्र्यांपेक्षा श्रीमंत -
तारकिशोर प्रसाद आणि रेणू देवी या दोन्ही उपमुख्यमंत्र्यांनी देखील त्यांच्या मालमत्तेची माहिती जाहीर केली आहे. विशेष म्हणजे कुमार यांचे मंत्रिमंडळातील सहकारीही मुख्यमंत्र्यांपेक्षा श्रीमंत आहेत. विकासशील इंसान पार्टी (VIP) चे संस्थापक मुकेश सहानी हे त्यांच्या मंत्रिमंडळातील सर्वात श्रीमंत मंत्र्यांच्या यादीत येतात. पशुसंवर्धन आणि मत्स्यव्यवसाय मंत्री मुकेश सहानी यांच्या बँकांमध्ये २३ लाखांच्या ठेवी आहेत. त्यांच्याकडे मुंबईत सात कोटी रुपयांपेक्षा जास्त किमतीच्या तीन मालमत्ता आहेत. त्यांचा आणि त्यांच्या पत्नीचाही प्रत्येकी एक फ्लॅट आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
