DY Chandrachud: पाकिस्तानी सुफी संताचा मृतदेह भारतात आणण्याची मागणी, CJI चंद्रचूडांचा स्पष्ट नकार...नेमकं प्रकरण काय?

DY Chandrachud: बांगलादेशची राजधानी ढाका येथून एका सुफी संताचा मृतदेह भारतात आणण्याची मागणी सुप्रीम कोर्टात याचिकेद्वारे करण्यात आली होती. सुप्रीम कोर्टाने शुक्रवारी ही याचिका निकाली काढली आहे. ही याचिका CJI DY चंद्रचूड यांच्या खंडपीठासमोर सूचीबद्ध होती, जी फेटाळण्यात आली.  सीजेआय चंद्रचूड म्हणाले की, जर ते भारतीय नागरिक असते तर आम्ही भारत सरकारला त्यांचे पार्थिव देशात आणण्यासाठी प्रयत्न करायला सांगितले असते, परंतु या प्रकरणात आम्ही तसे करू शकत नाही.

सुफी संत हजरत शाह मुहम्मद अब्दुल मुक्तदीर शाह मसूद अहमद यांचे बांगलादेशची राजधानी ढाका येथे निधन झाले. त्यांचे पार्थिव आणण्याची मागणी करणारी याचिका सर्वोच्च न्यायालयात दाखल करण्यात आली होती. त्यावर सुनावणी करण्यास सर्वोच्च न्यायालयाने नकार दिला.

CJI DY चंद्रचूड यांच्या नेतृत्वाखालील तीन न्यायाधीशांच्या खंडपीठाने सांगितले की, परदेशी व्यक्तीचा मृतदेह भारतात परत आणण्याचा अधिकार कोणीही सांगू शकत नाही. जर हे भारतीय नागरिक असते तर आम्ही सरकारला प्रयत्न करायला सांगू शकलो असतो. परदेशी नागरिकाचा मृतदेह भारतात आणण्याची कोणतीही मागणी मान्य करता येणार नाही.

सुफी संत शाह मसूद अहमद हे पाकिस्तानी नागरिक होते. त्यांच्या मृत्यूनंतर त्यांचे पार्थिव बांगलादेशमध्येच दफन करण्यात आले. आता दर्गाह हजरत मुल्ला सय्यद यांनी सुप्रीम कोर्टात याचिका दाखल करून त्यांचा मृतदेह भारतात आणण्याची मागणी केली आहे. सर्वोच्च न्यायालयाने याचिकाकर्त्याच्या वकिलाला विचारले की, तो पाकिस्तानी नागरिक आहे, अशा स्थितीत त्याचा मृतदेह भारतात आणावा, अशी अपेक्षा तुम्ही कशी करू शकता?

तर दर्गाह हजरत मुल्ला सय्यदच्या वतीने सर्वोच्च न्यायालयात उपस्थित असलेल्या वकिलांनी न्यायालयाला सांगितले की, सुफी संताचा जन्म प्रयागराजमध्ये झाला होता. नंतर ते पाकिस्तानात गेला आणि 1992 मध्ये त्यांना पाकिस्तानी नागरिकत्व मिळाले. 2021 मध्ये त्यांनी आपले मृत्युपत्र तयार केले होते ज्यात त्याने इच्छा व्यक्त केली होती की त्याच्या मृत्यूनंतर त्याला भारतात असलेल्या दर्ग्यामध्ये दफन केले जावे.