दिल्लीला लागून असलेल्या नोएडातील सेक्टर-४९ पोलीस स्टेशन हद्दीतील बरौला गावात पुर्ववैमनस्यातून एका तरुणाची निर्घृण हत्या केल्याची घटना समोर आली आहे. आधी तरुणावर चाकूने सपासप वार केल्यानंतर हल्लेखोरांनी त्याच्या पायाला दोरी बांधून दुचाकीच्या पाठीमागून फरफटत नेलं. जखमी तरुणाला उपचारासाठी रुग्णालयात दाखल केले असता, त्याचा मृत्यू झाला. या घटनेचे सीसीटीव्ही फुटेज सोशल मीडियावर व्हायरल होत आहे.
आरोपींना अटक केल्यानंतर पोलीस त्यांना चाकू जप्त करण्यासाठी घेऊन जात असताना वाटेत त्यांनी पोलीस पथकावर हल्ला केला. यानंतर पोलिसांनी स्वसंरक्षणार्थ चालवलेल्या गोळ्या दोन्ही आरोपींच्या पायाला लागल्याने ते जखमी झाले.
नोएडातील बरौला गावात एका तरुणाला बाईकला बांधून ओढच नेण्यात आले. चाकूहल्ला करणारे आरोपी त्याला बरौला चौकीत घेऊन गेले. चाकू हल्ल्यात पीडित तरुणाचा मृत्यू झाला. या घटनेनंतर काही लोकांनी बरौला चौकीची तोडफोड करण्याचा प्रयत्न केला.
बरौला येथे राहणारा अनुज हा रुग्णालयात काम करतो आणि त्याचा चुलत भाऊ नितीन याचा दुधाचा व्यवसाय आहे. शनिवारी रात्री अनुज आणि नितीन यांचा मेहंदी हसनसोबत वाद झाला. यानंतर अनुज आणि नितीनने मेहंदी हसनवर चाकूने वार करून त्याला दुचाकीच्या मागे बांधून गावात फरफटत नेले. यात मेहंदी हसनचा मृत्यू झाला.
आज (रविवारी) याबाबत माहिती देताना नोएडा पोलिसांनी सांगितले की, आज पहाटे 5 वाजण्याच्या सुमारास बरौला कल्व्हर्टजवळ अनुज आणि नितीन या दोघांनी मेहंदी हसनची हत्या केली. पोलीस स्टेशन सेक्टर-49 च्या बरौला गावात या घटनेवेळी वापरलेले शस्त्र जप्त करताना चकमक झाली. या चकमकीत अनुज आणि नितीन हे दोघेही पोलिसांच्या गोळ्यांमुळे जखमी झाले असून, त्यांना उपचारासाठी जिल्हा रुग्णालयात दाखल करण्यात आले आहे. या दोघांविरुद्ध संबंधित कलमांतर्गत गुन्हा दाखल करून ठोस कारवाई करण्यात येत आहे.
नोएडाचे डीसीपी हरीश चंदर माहिती देताना म्हणाले की, 2018 साली मेहंदी हसनने अनुजच्या वडिलांना मारहाण करून जखमी केले होते. यानंतर मेहंदी हसनविरुद्ध स्थानिक पोलीस ठाण्यात गुन्हा दाखल करण्यात आला. तेव्हापासून अनुजच्या मनात मेहंदी हसनविरुद्ध राग होता. नुकतेच मेहंदी हसन आणि अनुज यांच्यात कोर्टातही बाचाबाची झाली होती. यावरून दोघांमध्ये तणाव निर्माण झाला होता. शनिवारी रात्रीही अनुजचा मेहंदी हसनसोबत वाद झाला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
