Ola वापरताय? तर मग हे वाचाच!

नवी दिल्ली : कॅब सेवा पुरवणाऱ्या Ola ने भारतात 'सेल्फ ड्रायव्हिंग' या नव्या सर्व्हिसची घोषणा केली. 'सेल्फ ड्राइव्ह कार शेअरिंग' या सेवेंतर्गत ग्राहकांना ठराविक वेळेपर्यंत कार भाड्याने मिळणार आहे. किमान दोन तासांपासून ते तीन महिन्यापर्यंत कार भाड्याने घेता येईल. 

बंगळुरूमध्ये ही सेवा कंपनीकडून सर्वप्रथम सुरू करण्यात येत आहे. त्यानंतर मुंबई, हैदराबाद आणि नवी दिल्ली या शहरांमध्ये ही सेवा सुरू केली जाणार आहे. कंपनीच्या बंगळुरुतील मुख्यालयात याबाबतची माहिती देण्यात आली. या नव्या सेवेंतर्गत 2020 पर्यंत 20 हजार कार होस्ट करण्याचे कंपनीचे लक्ष्य आहे.

ग्राहक ठरवू शकतात कारचं भाडं

ओला App वर 'ओला ड्राइव्ह' नावाची एक नवी कॅटेगरी दिसेल. किलोमीटर किंवा दोन तासांच्या आधारे ग्राहक कारचं रेंटल (भाडं) पॅकेज ठरवता येऊ शकेल.

सरन्यायाधीश होण्याचा मान मिळणार मराठी माणसाला?