कोरोना महामारीच्या मोठ्या संकटातून जग बाहेर पडत असतानाच पुन्हा कोरोनाच्या नव्या ओमिक्रॉन (Omicron) व्हेरीअंटने जगभरासाठी चिंतेचं वातावरण निर्माण केलं आहे. जगातले प्रगत देश म्हणून पाहिलं जाणाऱ्या अमेरीकेसारख्या देशांनाही कोरोनाच्या दुसऱ्या लाटेचा चांगलाच फटका बसला होता. मात्र यंदा सर्वच देशांकडून खबरदारीच्या उपयांचा अवलंब केल्याचा जात असल्याचं दिसतं आहे. अमेरिकेत देखील आता ओमिक्रॉन विषाणूचे रुग्ण आढळून आल्यानंतर व्हाईट हाऊसकडून नियमावली जाहीर करण्यात आली आहे.
दक्षिण आफ्रिकेमध्ये सापडलेला कोरोनाचा नवा व्हेरियंट ओमिक्रॉनने देशातील २९ च्या जवळपास देशांमध्ये शिरकाव केला आहे. सुरुवातील दक्षिण आफ्रिकेसारख्या जोखीम असलेल्या देशांमधून येणाऱ्या प्रवाशांवर निर्बंध घालण्यात आले होते. मात्र, आता प्रत्येक आंतरराष्ट्रीय प्रवाशांवर निर्बंध लावण्यात आले आहेत. प्रवाशाचे कोरोना लसीकरण झाले असेल आणि जोखीम नसलेल्या देशातून प्रवासी अमेरिकेत जात असेल तरी त्यांना कोरोना चाचणी करणे बंधनकारक आहे. अमेरिकेचे राष्ट्राध्यक्ष जो बायडेन यांनी स्वत: या मुद्याची गंभीर दखल घेतली असून, देशातील आणि देशाबाहेरील प्रवाशांसाठी मार्गदर्शक तत्वे जाहीर केली आहेत. त्यानुसार आता अमेरिकेत कुठेही प्रवास करण्यासाठी कोरोना चाचणी करणे बंधनकारक असणार आहे. प्रवास करताना लसीकरण आणि प्रवासाबद्दलची माहिती देणे आवश्यक असणार आहे.
दरम्यान, गुरुवारी अमेरिकेत देखील पहिला ओमिक्रॉनचा रुग्ण आढळून आला. त्यानंतर तिथे आणखी चार ते पाच रुग्ण आढळून आले आहेत. त्यामुळे अमेरिकिने निर्बंध आणखी कडक केले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
